Mathayo 2:18 - Motingʼo Loko Manyien

¹⁸ “Dwol winjore Rama, en ywak gi nduru malich, Rael ywago nyithinde kendo odagi ni ok nyal hoye, nikech gisetho.”

MUMA MALER 2015

¹⁸ Nowacho niya, “Dwol ne owinjore e dala mar Rama, ne en nduru gi ywak malit. Rahel ema ne ywago nyithinde, kendo ne ok onyal hore, nikech ne gisetho giduto.”

Mathayo 2:18 ပူးပေါင်းရင်းမြစ်များ

Chakruok 37:30

Nodok ir owetene mowachonegi niya, “Rawera cha onge kacha! Koro anyalo timo angʼo?”

Chakruok 42:36

Jakobo wuon-gi nowachonegi niya, “Usemaya nyithinda. Josef onge, kendo Simeon bende onge, kendo koro Benjamin bende udwaro maya. Gik moko duto ok nikare koda!”

Ayub 14:10

Dhano to tho kendo iike e bwo lowo; oyweyo mogik, kendo kare rumo chuth.

Jeremia 31:15

Ma e gima Jehova Nyasaye wacho: “Dwol winjore Rama, ka goyo nduru, kendo ywak malich, Rael ywago nyithinde kendo odagi ni ok nyal hoye, nikech gisetho.”

Jeremia 4:31

Awinjo ywak kaka mar dhako mamuoch kayo, lit mana ka dhako ma nywolo nyathine makayo, ywak mar Nyar Sayun ka gamo yweyo, kotengʼo bedene kendo owacho, “To mano kaka apodho; ngimana omi jonek.”

Ezekiel 2:10

mane oyaro e nyima. E bathe koni gi koni ne ondikie weche mag ywagruok gi kuyo kod achiedh-nade.

Mathayo 2:17

Eka gima Nyasaye nomiyo janabi Jeremia owacho nochopo kare:

Luka 8:52

Gie kindeno, ji duto ne goyo nduru kendo Yesu nowachonegi niya, “Weuru ywak nimar ok otho to onindo aninda.”

Fweny 8:13

Bangʼe nangʼicho mi awinjo ongo mafuyo e kor polo kaywak matek niya, “Lit! Lit! Lit ni joma odak e piny, nikech turumbete modongʼ ma malaike adek biro goyo!”