Mathayo 18:19 - Motingʼo Loko Manyien

¹⁹ “Awachonu bende ni ka ji ariyo kuomu e piny-ka owinjore kuom gimoro amora mukwayo to Wuora manie polo notimnugo.

MUMA MALER 2015

¹⁹ “Bende awachonu ni, ka ji ariyo kuomu owinjore e piny ni kuom gima gikwayo, to Wuora mae polo nomigi gino,

Mathayo 18:19 ပူးပေါင်းရင်းမြစ်များ

Mathayo 21:22

Ka uyie to unuyud gimoro amora mukwayo kulamo.”

Mathayo 5:24

to we michnino piny kanyo e nyim kendo mar misango. Kuong idhi ilos kindi gi nyawadu; eka ibi ichiw michni.

Mathayo 7:7

“Kwauru to nomiu; dwaruru to unuyudi; kendo dwongʼuru to noyawnu dhoot.

Mariko 11:24

Kuom mano anyisou ni gimoro amora mukwayo kulamo, beduru gi yie ni useyude mi nobed maru adier.

Johana 15:16

Un ne ok uyiera, an ema nayierou kendo aketou mondo udhi unyag olemo, ma en olemo masiko. Eka Wuora biro miyou gimoro amora mukwayo e nyinga.

Johana 15:7

Ka usiko e iya kendo wechena osiko eiu, to unyalo kwayo gimoro amora ma chunyu gombo mi nomiu.

Johana 16:23

Chiengʼno ok unukwaya gimoro amora. Awachonu adier ni Wuora biro miyou gimoro amora mukwayo e nyinga.

Tich Joote 1:14

Giduto ne gin e achiel ka ginano e lamo, kaachiel gi mon moko, kod Maria min Yesu gi owete Yesu.

Tich Joote 12:5

Kuom mano, Petro nokan e od twech, to kanisa to ne lamone Nyasaye ahinya.

Tich Joote 16:10

Bangʼ kane Paulo oseneno fwenyno, ne waikore piyo piyo mondo wadhi e piny Makedonia, nikech ne wangʼeyo ni Nyasaye dwarowa loka kono mondo wayalnegi Injili.

Tich Joote 6:4

eka wan wachiwre chuth ni tijwa mar lamo gi yalo Wach Nyasaye.”

Jo-Filipi 1:19

nikech angʼeyo ni kuom lemo mulemonago kod kony ma ayudo kuom Roho mar Yesu Kristo, gik mosetimorenago ema bende biro kelona resruok.

1 Johana 3:22

To wayudo koa kuome, gimoro amora mwakwaye nikech wamako chikene kendo watimo gik mamore.