Mathayo 17:20 - Motingʼo Loko Manyien

²⁰ Nodwoko kowacho niya, “Nikech un gi yie matin nono. Awachonu adier ni ka un gi yie matin marom gi koth karadali to unyalo wacho ne godni ni, ‘Wuogi ia ka idhi kacha,’ kendo dowuogi modhi. Onge gima nyalo tamou. [

MUMA MALER 2015

²⁰ Yesu nodwokogi ni, “Nende ok unyal gole nikech un gi yie matin. Awachonu adier niya, Da bed ni un gi yie kata matin marom mana gi koth karadali, to duwachi ni godni ni, ‘Aye ka, dhi kucha’, mi dodhi. Bende onge gima ditamu timo. [

Mathayo 17:20 ပူးပေါင်းရင်းမြစ်များ

Mathayo 13:31

Nogoyonegi ngero machielo kama: “Pinyruodh polo chalo gi koth karadali ma ngʼato nokawo mopidho e puothe.

Mathayo 14:29

Nowachone niya, “Bi.” Eka Petro nowuok e yie kendo nochako wuotho ewi pi kochomo ir Yesu.

Mathayo 17:17

Yesu nodwokogi kawacho niya, “Yaye tiengʼ maonge gi yie kendo mokethoreni, anabed kodu nyaka karangʼo? Abiro chandora kodu nyaka karangʼo? Kel ane wuowino ka.”

Mathayo 17:19

Eka jopuonjre nobiro ir Yesu lingʼ-lingʼ mi openje niya, “Angʼo momiyo wan ne ok wanyal golo jachiendno?”

Mathayo 17:9

Kane oyudo gilor gia ewi got, Yesu nowuoyo negi kowacho niya, “Kik uwach ne ngʼato angʼata gima useneno, nyaka chop kinde ma Wuod Dhano nochier koa kuom joma otho.”

Mathayo 21:21

To Yesu nodwokogi niya, “Awachonu adier ni ka un gi yie ma uonge gi kiawa, to ok unyal mana timo gima ne otim ne ngʼowuni, to unyalo bende wacho ne godni ni, ‘Dhiyo mondo inyumri e nam,’ kendo notimre kamano.

Mathayo 8:26

Nodwokogi niya, “Angʼo momiyo uluor kamano, yaye un joma nigi yie matin?” Eka Yesu nochiewo mokwero yembe gi apaka, mi nam nolingʼ thi.

Mariko 11:22

To Yesu nodwoko kowacho niya, “Beduru gi yie kuom Nyasaye.

Mariko 11:23

Awachonu adier ni ka ngʼato owacho ne godni ni, ‘Dhiyo mondo inyumri e nam,’ ma ok obedo gi kiawa e chunye kata matin, to oyie ni gima owachono biro timore, to gima odwarono notimre kamano.

Mariko 4:31

Ochal gi koth karadali ma en e kodhi matinie mogik mikomo e puodho.

Mariko 9:23

Yesu nowachone niya, “Ere gima omiyo iwacho ni, ‘Kinyalo?’ Gik moko duto nyalo timore ni ngʼat moyie.”

Luka 1:37

Nimar onge gima nyalo tamo Nyasaye.”

Luka 17:6

Nodwoko niya, “Ka un gi yie matin marom gi koth karadali, to unyalo wacho ne yadh ngʼowuni ni, ‘Pudhri ia mondo ipithri e nam,’ to dine owinjou motimo kamano.

Luka 18:27

Yesu nodwokogi niya, “Gino ma ok nyalre gi dhano, nyalore kuom Nyasaye.”

Johana 11:40

Yesu nowachone niya, “Donge nende anyisi ni kiyie to ibiro neno duongʼ mar Nyasaye?”

1 Jo-Korintho 12:9

Ngʼato Rohono miyo yie, to ngʼat machielo omiyo mich mar chango ji;

1 Jo-Korintho 13:2

Ka an gi mich mar koro wach, kendo ka angʼeyo tiend weche matek duto modhiero ji ngʼeyo, kendo an gi rieko duto, kata ka an gi yie maduongʼ manyalo golo gode kuonde ma gintie, to ka aonge gihera; to ok an gimoro.

Jo-Hibrania 3:19

Omiyo waneno ni ne ok ginyal donjo nikech negitamore yie.