Mathayo 15:24 - Motingʼo Loko Manyien

²⁴ Nodwoko niya, “Ne oora mana ne rombe molal mag Israel kende.”

MUMA MALER 2015

²⁴ Yesu nodwoko ni, “Ne oora mana ir jo-Israel molal ka rombe.”

Mathayo 15:24 ပူးပေါင်းရင်းမြစ်များ

Isaya 53:6

Wan duto, waselal mana ka rombe, ka ngʼato ochomo mana yore owuon; kendo Jehova Nyasaye oseketo kuome richowa duto.

Ezekiel 34:16

Abiro manyo rombega molal mi aduog mago molal. Abiro mako mago motur kendo mago mool abiro medo teko, to mago machwe kendo ma tekogi ngʼeny abiro tieko. Abiro kwayo rombega gi adiera.

Ezekiel 34:23

Abiro keto jakwath achiel maritogi, ma en jatichna Daudi, kendo enoritgi maber mi enobed jakwadhgi.

Mathayo 15:23

To Yesu ne ok odwoke kata wach achiel. Omiyo jopuonjre nobiro ire mojiwe niya, “Riembe odhi, nikech osiko kogoyo koko bangʼwa.”

Mathayo 18:11

Nikech Wuod Dhano osebiro mondo owar joma olal.]

Mathayo 9:36

Kane oneno oganda maduongʼ mane olwore, nokechogi, nikech ne ichandogi kendo gionge gi kony, mana ka rombe maonge gi jakwath.

Tich Joote 13:46

Eka Paulo gi Barnaba nomedo wuoyo gi chir kagiwacho niya, “Ne bernwa mondo un ema wayalnu Wach Nyasaye mokwongo. To nikech udage kendo nikech ok ukwanoru ka joma owinjore yudo ngima mochwere, koro waweyou mondo wayal wachni ni joma ok jo-Yahudi.

Jo-Rumi 15:8

Nimar anyisou ni Kristo osedoko jatich jo-Yahudi mondo ochop adiera mar Nyasaye, mondo omi singruok mane omi kwerewa otimre,