Mathayo 15:19 - Motingʼo Loko Manyien

¹⁹ Nikech chuny ema gik maricho kaka; paro maricho, nek, terruok, chode, kuo, hango wach, gi ketho nying ji wuokie.

MUMA MALER 2015

¹⁹ nikech chuny dhano ema paro maricho nitie, mamiyo otimo gik maricho, kaka nek gi terruok gi wuowo gi kuo gi miriambo, kod kuoth.

Mathayo 15:19 ပူးပေါင်းရင်းမြစ်များ

Chakruok 6:5

Jehova Nyasaye noneno kaka richo dhano ogundho e piny kendo kaka paro duto mag chunye ne mana timo richo seche duto.

Chakruok 8:21

Jehova Nyasaye nowinjo suya madungʼ tik mangʼwe ngʼar kendo nowacho e chunye niya, “Ok anachak akwongʼ piny kendo nikech dhano, kata obedo ni paro ma aye chunye opongʼ gi richo nyaka aa e tin-ne. Bende ok anachak atiek gik mangima kendo kaka asetimoni.

Zaburi 119:113

Achayo joma pachgi ariyo, to ahero chikni.

Ngeche 22:15

Fuwo otwere e chuny nyathi, to ludh kum biro riembe mabor kode.

Ngeche 24:9

Andhoga mar fuwo en richo, to ji mon kod ja-jar ji.

Ngeche 4:23

To moloyo duto, rit chunyi, nikech en e soko mar ngima.

Ngeche 6:14

ochano richo kod miriambo ei chunye, kinde duto okelo miero.

Isaya 55:7

Ngʼama timbene achach mondo owe yorene, kendo ngʼama parone opongʼ gi timbe richo mondo owe. Onego oduog ir Jehova Nyasaye, kendo enobed gi ngʼwono kuome mi enowene richone.

Isaya 59:7

Tiendegi reto kadhi timo richo; giyot ahinya mondo gichwer remo maonge ketho. Paro manie chunygi gin paro maricho kendo kamoro amora ma gidhiyoe; masira gi chandruok ema dongʼie.

Jeremia 17:9

Chuny en jawuond moloyo gik moko duto kendo ok nyal thiedhe. En ngʼa manyalo ngʼeye?

Jeremia 4:14

Yaye Jerusalem, luok timbe mamono manie chunyu mondo iresri. Nyaka karangʼo mi ibiro kano timbe richo e pachi?

Kwan 22:29

Balaam nodwoko pundano niya, “Isemiya achalo ngʼama ofuwo! Kane bed ni an-gi ligangla e lweta, to dikoro asenegi.”

Mathayo 15:20

Magi e gik mamiyo ngʼato bedo ‘mogak.’ To chiemo gi lwedo ma ok olwoki ok mi odok ‘mogak.’ ”

Mathayo 5:28

Anto anyisou ni ngʼato angʼata morango dhako gi gombo oseterore kode gi ei chunye.

Mathayo 9:4

Kaka Yesu nongʼeyo pachgi, nowachonegi niya, “Angʼo momiyo uyie mondo paro maricho obed e chunyu?

Tich Joote 8:22

Omiyo lokri iwe timni marachni, kendo ilam Ruoth Nyasaye, dipo ka oweyoni richoni kuom bedo gi paro marachno e chunyi.

Jo-Rumi 7:18

Angʼeyo ni onge gimoro kata achiel maber manie iya, tiende ni, kita mar richo. Nimar an-gi gombo mar timo gima ber to ok anyal time.