Mathayo 12:50 - Motingʼo Loko Manyien

⁵⁰ Nimar ngʼato angʼata matimo dwaro mar Wuora manie polo e owadwa gi nyaminwa kod minwa.”

MUMA MALER 2015

⁵⁰ nimar ng’ato ang’ata matimo gima Wuora mae polo dwaro e owadwa, gi nyamera, kod mama.”

Mathayo 12:50 ပူးပေါင်းရင်းမြစ်များ

Zaburi 22:22

Abiro hulo nyingi ne owetena; abiro paki e nyim chokruok.

Wer Mamit 4:12

Yaye jaherana, ichalo gi puodho mochiel; kendo ka soko molor dhoge modin motegno.

Mathayo 12:49

Eka nosiemone jopuonjrene kowacho niya, “Jogi e minwa gi owetena.

Mathayo 13:1

Odiechiengʼno Yesu nowuok e ot mi nobet e dho nam.

Mathayo 17:5

Kane pod owuoyo, boche polo nobiro apoya moumogi, kendo dwol moro noa e boche polo kawacho niya, “Ma en Wuoda mahero kendo en ema chunya mor kode, winjeuru!”

Mathayo 25:40

“To Ruoth nodwokgi ni, ‘Awachonu adier ni, gimoro amora mane utimo ne achiel kuom owetenagi matinie mogik, ne utimona.’

Mathayo 25:45

“To enodwokgi ni, ‘Awachonu adier ni, gimoro amora mane ok utimo ne achiel kuom jomatindogi, ne ok utimo ne an.’

Mathayo 28:10

Eka Yesu nowachonegi niya, “Kik ubed maluor. Dhiuru unyis owetena mondo gidhi Galili; kuno ema gibiro nena.”

Mariko 3:35

Ngʼato angʼata matimo dwaro Nyasaye e owadwa gi nyaminwa kod minwa.”

Luka 8:21

Nodwoko niya, “Minwa kod owetena gin jogo mawinjo wach Nyasaye kendo timo.”

Johana 15:14

Un osiepena mana kutimo gik ma achikou.

Johana 20:17

Yesu nowachone niya, “Kik itweri kuoma, nimar pok adok ka Wuora, to dhi ir owetena mondo inyisgi ni, ‘Adok ir Wuora ma en Wuoru un bende, kendo Nyasacha ma en Nyasachu.’ ”

Johana 6:29

Yesu nodwokogi niya, “Tich ma Nyasaye dwaro en ni mondo uyie kuom Jal moseoro.”

Johana 6:40

Adier, Wuora dwaro ni mondo ji duto mogeno kuom Wuowi, kendo moyie kuome mondo obed gi ngima mochwere, kendo ochiergi chiengʼ giko piny.”

Tich Joote 17:30

E kinde mokalo Nyasaye ne ok odewo fuwo machal kamano, to koro sani osegolo chik ni ji duto kamoro amora mondo olokre owe richo.

Tich Joote 26:20

Mokwongo ne anyiso joma nodak Damaski kendo joma odak Jerusalem nyaka joma odak Judea duto kaachiel gi joma ok jo-Yahudi ka ayalonegi mondo gilokre giwe richo kendo gidwog ir Nyasaye, mondo ginyis ni giseweyo richo adier gi kit ngimagi.

Jo-Rumi 8:29

Nimar joma ne Nyasaye ongʼeyo chakre chon ema bende ne owalo mondo okaw kit Wuode, eka mondo odok nyathi makayo e kind jowetene mangʼeny.

1 Jo-Korintho 9:5

Donge wan gi ratiro mar wuotho gi mondewa e wuodhewa mag Injili kaka joote mamoko, kendo kaka jowete Ruoth kod Petro johero timo?

2 Jo-Korintho 11:2

Nyiego omaka kodu ma en nyiek Nyasaye. Ne asingou ni dichwo achiel kende, ma en Kristo, mondo omi achiwu kaka nyako mangili ni en.

Jo-Galatia 5:6

Nikech kuom Kristo Yesu onge pogruok bed ni ngʼato oter nyangu kata ok otere. Gimoro achiel kende madwarore en yie matiyo kuom hera.

Jo-Galatia 6:15

Nikech kata bed ni ngʼato oter nyangu kata ok otere ok lich, to gima dwarore en ni ochwe ngʼato chwech manyien.

Jo-Kolosai 3:11

E ngima manyien-ni, koro onge pogruok e kind ja-Yunani kod ja-Yahudi, onge ngʼama oter nyangu kata ngʼat ma ok oter nyangu, bende onge ngʼama ok osomo kata jamaranda, misumba kata ngʼama ni thuolo, to Kristo e moromo kendo en duto kuom duto.

1 Timotheo 5:2

to mon madongo kaw ka mineni, kendo mon matindo kaw ka nyimineni, e yo maler chutho.

Jo-Hibrania 5:9

kendo bangʼ ka nosekete kare chuth to nodoko wuon warruok mochwere ma ji duto mawinjo wachne yudo.

1 Petro 4:2

Kuom mano, un koro ok udak e ngima maru mar pinyni mondo uchop gombo maricho mag dhano, to udak mar timo dwaro Nyasaye.

1 Johana 2:17

Pinyni kaachiel gi gombo duto kadho, to ngʼat matimo dwach Nyasaye nobed mangima nyaka chiengʼ.

Fweny 22:14

“Jogo gin joma ogwedhi ma oseluoko kandhogi maler, mondo omi gibed gi ratiro mar chamo olemb yath mar ngimano kendo gikadh ka gidonjo e dhorangeye mag dalano.