Mathayo 11:17 - Motingʼo Loko Manyien

¹⁷ “Ne wagoyonu asili, to ne ok umiel; bende ne wadengo ka wawero wend tho, to ne ok uywak.

MUMA MALER 2015

¹⁷ ‘Nende wagoyonu thum, to ne utamoru miel. Bende ka nende wagoyonu nduru, to ne udagi ywak.’

Mathayo 11:17 ပူးပေါင်းရင်းမြစ်များ

Chakruok 50:10

Kane gichopo kar dino cham man Atad, machiegni gi Jordan, negiywago wuon-gi matek kendo malit ahinya; kendo Josef nokawo ndalo abiriyo koywago wuon-gi.

1 Ruodhi 1:40

Kendo ji duto nowuotho kaluwo bangʼe ka gigoyo asili kendo gimor mathoth mi piny noyiengni.

Isaya 30:29

Kendo unuwer wende machalo gi wende mag nyasi mag sawo maler miwero gotieno; chunyu nobed gi mor mana ka ji mabedo gi mor ka goyo asili kadhi e got Jehova Nyasaye, ma en Lwanda mar Israel.

Jeremia 31:4

Anageru kendo to bende enogeru, yaye Israel ma nyako ngili. Bende unugo nyiduongeu kendo, mi udhi oko ma umiel gi ilo.

Mathayo 11:16

“En angʼo ma dapimgo tiengʼni? Gichalo nyithindo mobet e chirni kendo maluongo jowetegi kagiwacho niya,

Mathayo 11:18

Nimar Johana Ja-Batiso nobiro ka ok ochiem kata metho, to giwacho ni, ‘En gi jachien.’

Mathayo 9:15

To Yesu nodwokogi niya, “Ere kaka welo mag wuon kisera nyalo kuyo adier kapod en kodgi? Kata kamano ndalo nobi ma wuon kisera nogol e kindgi; eka ginitwe chiemo e kindeno.

Mathayo 9:23

Kane Yesu odonjo e od jatelono, moneno joma goyo asili kod oganda mane goyo koko,

Luka 15:25

“E kindeno, noyudo ka wuowi maduongʼ ni e puodho. Kane obiro machiegni gi ot nowinjo wer gi miel.

Luka 23:27

Ji mangʼeny noluwe, motingʼo mon bende mane ywak ka goyo nduru nikech en.

Luka 7:32

Gichalo nyithindo mobedo e chiro kendo luongore kendgi moro ka moro kagiwacho niya, “ ‘Ne wagoyonu asili, to ne ok umiel; bende ne wadengo ka wawero wend tho, to ne ok uywak.’

Luka 8:52

Gie kindeno, ji duto ne goyo nduru kendo Yesu nowachonegi niya, “Weuru ywak nimar ok otho to onindo aninda.”