Mathayo 10:33 - Motingʼo Loko Manyien

³³ To ngʼato angʼata mokweda e nyim ji an bende nakwede e nyim Wuora manie polo.

MUMA MALER 2015

³³ To ng’at ma okweda e nyim ji an bende anakwede e nyim Wuora mae polo.

Mathayo 10:33 ပူးပေါင်းရင်းမြစ်များ

Isaya 59:13

ngʼanyo kendo ketho e nyim Jehova Nyasaye, loko ngʼewa ne Nyasachwa, chano timo tulo kendo paro weche mag miriambo ka chunywa opongʼ kod wuond.

Mariko 14:30

Yesu nodwoko Petro niya, “Awachoni adier ni otieno ma kawuononi, kapok thuon gweno okok diriyo in iwuon wangʼ inikweda nyadidek.”

Mariko 14:72

Gikanyono thuon gweno nokok kendo mar ariyo. Eka Petro noparo wach mane oyudo Yesu osewachone niya, “Kapok thuon gweno okok nyadiriyo to wangʼ inikweda nyadidek.” Wachno nobedone malit mi nochako ywak.

Mariko 8:38

Ka ngʼato wiye kuot koda kod wechena e kind tiengʼ mobam kendo matimo richoni, to Wuod Dhano bende wiye nokuod kode chiengʼ manoduogi gi duongʼ mar Wuoro, kaachiel gi Malaike maler.”

Luka 12:9

To ngʼato angʼata mokweda e nyim ji en bende nokwede e nyim malaike mag Nyasaye.

Luka 22:57

To nokwerogo, kowacho niya, “Dhako, ok angʼeye!”

Luka 9:26

Ka ngʼato wiye kuot koda kod wechena, Wuod Dhano bende wiye biro kuot kode ka obiro duogo e duongʼ mare kendo e duongʼ mar Wuoro kod mar malaike maler.

2 Timotheo 2:12

to ka watimo kinda, to wanalochi kode bende; to ka wakwede, to en bende nokwedwa;

2 Petro 2:1

To jonabi mag miriambo bende ne nitie e kind oganda Nyasaye e ndalo machon, mana kaka jopuonj mag miriambo bende biro bedo e dieru. Gibiro kelonu puonj mag miriambo lingʼ-lingʼ mondo giketh ji, ka gikwedo nyaka Ruoth Nyasaye Manyalo Gik Moko Duto mane owarogi kendo mano nomi gitiekre kendgi piyo piyo nono!

1 Johana 2:23

Ngʼama odagi Wuowi odagi Wuoro bende, to ngʼama orwake nigi Wuoro bende.