Mariko 8:22 - Motingʼo Loko Manyien

²² Negichopo Bethsaida, kendo jomoko nokelo ne Yesu muofu moro mi gikwayo mondo omule.

MUMA MALER 2015

²² Bang’e ne gidhi Bethsaida, mi jomoko nokelo ni Yesu ng’at ma muofu, ka gihombe mondo oket lwete kuome.

Mariko 8:22 ပူးပေါင်းရင်းမြစ်များ

Mathayo 11:21

“Mano kaka unune malit un jo-Korazin! Mano kaka unune malit, un jo-Bethsaida! Nimar ka dine honni motimnugi dinetim ne Turo gi Sidon to dine giseweyo richo chon ka girwakore gi lep gugru kendo ka gibukore gi buru.

Mariko 6:45

Gisano Yesu nochiko jopuonjrene mondo odonji e yie kendo gitel nyime gingʼad gidhi loka nam e dala mar Bethsaida, ka en to ne pod odongʼ chien kogonyo oganda.

Luka 10:13

“Mano kaka unune malit un jo-Korazin! Mano kaka unune malit un jo-Bethsaida! Nimar ka dine honni motimnugi dinetim ne Turo gi Sidon to dine giseweyo richo chon ka girwakore gi lep gugru, kendo gibet ka gibukore gi buru.

Johana 12:21

Negibiro ir Filipo, mane aa Bethsaida, e piny Galili, mi gikwaye niya, “Jaduongʼ, wadwaro neno Yesu.”

Johana 1:44

Filipo, mana kaka Andrea gi Petro, ne aa e dala mar Bethsaida.

Mariko 2:3

Jomoko nobiro kokelone ja-athany ka ji angʼwen otingʼe.

Mathayo 8:15

Nomulo lwete mi midhusi noweye, kendo noa malo mochako miyogi chiemo.

Mathayo 9:29

Eka nomulo wengegi kowacho niya, “Biro timorenu kuom yie ma un-go,”

Mathayo 8:3

Yesu norieyo bade momulo ngʼatno. Nowachone niya, “Ayie, pwodhri!” Gikanyono nochango kuom dhohone.

Luka 9:10

Ka joote noduogo neginyiso Yesu gima negisetimo. Eka nokawogi modhi kodgi ka gin kendgi giwegi e dala miluongo ni Bethsaida,

Mathayo 14:36

kendo negisaye mondo oyie joma ne tuogo omulie kata mana riak lawe kende, kendo ji duto mane omule nochango.

Mariko 3:10

Nimar nosechango ji mangʼeny, omiyo jomane tuo ne dhirore mondo omule.