Mariko 8:2 - Motingʼo Loko Manyien

² “Akecho jogi nikech koro gisebedo koda kae kuom ndalo adek to gionge gima digicham.

MUMA MALER 2015

² “Akecho jogo nikech gisebet koda kuom ndalo adek to koro gionge gi chiemo.

Mariko 8:2 ပူးပေါင်းရင်းမြစ်များ

1 Ruodhi 19:6

Nongʼicho kendo noyudo makati matin maliet motedi gi makaa koketi but wiye kod pi e agulu. Nochiemo mometho eka bangʼe kendo nodok monindo.

Zaburi 103:13

Mana kaka wuoro kecho nyithinde, e kaka Jehova Nyasaye kecho joma omiye luor;

Zaburi 145:15

In ema wenge ji duto ngʼiyi, kendo imiyogi chiembgi e kinde mowinjore.

Zaburi 145:8

Jehova Nyasaye ngʼwon kendo kecho ji, iye ok wangʼ piyo kendo en gihera mangʼeny.

Mika 7:19

Ibiro kechowa kendo, ibiro nyono richowa e tiendi, kendo idir kethruokwa duto e bwo nam.

Mathayo 14:14

Kane Yesu ogowo loka, noneno oganda maduongʼ, nokechogi kendo nochango jogo duto mane tuo.

Mathayo 20:34

Yesu nokechogi, mi nomulo wengegi. Gikanyono negichako neno, kendo ne giluwe.

Mathayo 9:36

Kane oneno oganda maduongʼ mane olwore, nokechogi, nikech ne ichandogi kendo gionge gi kony, mana ka rombe maonge gi jakwath.

Mariko 1:41

Yesu nokecho ngʼatno morieyo bade momule, kowacho niya, “Ayie, pwodhri!”

Mariko 5:19

To Yesu notame kawachone niya, “Dog dala ir joodi mondo inyisgi gik madongo ma Ruoth osetimoni, kendo kaka osekechi gi kech maduongʼ.”

Mariko 6:32

Kuom mano ne giwuok gidhi kama opondo ka gin kendgi giwegi e yie.

Mariko 6:34

Kane Yesu ogowo loka, noneno oganda maduongʼ, nokechogi nikech ne gichal kaka rombe maonge gi jakwath. Omiyo nochako puonjogi gik mangʼeny.

Mariko 8:3

Ka agonyogi gidhi thuchegi ka gidenyo kama to ginyalo podho e yo, nikech moko kuomgi oa mabor.”

Mariko 9:22

Kendo kinde moko jachiendno osebedo ka chumbe ei mach kata e pi, mondo onege. Omiyo kinyalo timo gimoro to yie ikechwa kendo ikonywa.”

Luka 15:20

Omiyo noa malo kendo nodhi ir wuon mare. “To kane pod en kuma bor, wuon mare nonene, kendo kopongʼ gi kech kuome, noringo kodhiyo ir wuode, nokwake gi bade kendo nonyodhe.

Luka 7:13

Kane Ruoth onene, chunye nokeche kendo nowacho niya, “Kik iywagi.”

Jo-Hibrania 2:17

Mano emomiyo ne nyaka kete ochal gi owetene e yore duto, mondo eka obed jadolo maduongʼ ma jakech kendo ma ja-adiera matiyo e nyim Nyasaye, kotimo misango migologo richo mag ji.

Jo-Hibrania 4:15

Nikech ok wan gi jadolo maduongʼ ma ok nyal kechowa e nyawowa, to wan gi mano manyalo kechowa, to nikech en bende noteme gi kit tembe duto mwayudo, makmana ni en noonge gi richo.

Jo-Hibrania 5:2

Onyalo dembo joma kia gi joma orwenyo, nikech en owuon bende nyawo obembe.