Mariko 7:5 - Motingʼo Loko Manyien

⁵ Kuom mano jo-Farisai gi jopuonj chik nopenjo Yesu niya, “Angʼo momiyo jopuonjreni ketho chikwa kod puonj mag kwerewa, ka gichiemo gi lwedo mochido?”

MUMA MALER 2015

⁵ Kuom mano, jo-Farisai kod jopuonj chik nopenjo Yesu niya, “Ere gima omiyo jopuonjreni ok luw tim kwerewa, to gichiemo mana gi lwedo ma ok ler?”

Mariko 7:5 ပူးပေါင်းရင်းမြစ်များ

Mathayo 15:2

“Angʼo momiyo jopuonjreni ketho chike gi timbe mag jodongo? Ok giluok lwetgi kapok gichiemo!”

Mariko 7:13

Kamano umiyo wach Nyasaye bedo maonge gi teko nikech wach kitu gi timbeu mane kwereu omiyou. Bende utimo gik mamoko mathoth maket gi mano.”

Mariko 7:8

Useweyo Chike Nyasaye mi koro umako mana puonj ma kwereu machon noweyonu.”

Mariko 7:9

Nowachonegi niya, “Un gi lony mathoth mar keto Chike Nyasaye tenge mondo urit puonju uwegi!

Tich Joote 21:21

Osenyisgi ni ipuonjo jo-Yahudi modak e kind joma ok jo-Yahudi duto mondo kik gilu Chike Musa, kisemogi mondo kik giter nyithindgi nyangu kata kik gilu timbewa.

Tich Joote 21:24

Kaw jogi mondo idhi ipwodhri kaachiel kodgi, bangʼe ichulnegi nengo mar misengini monego gichul bangʼ pwodhruok, eka oliel yie wigi. Kitimo kamano, to ji duto biro kawo weche duto ma ji wacho kuomi kaka miriambo, kendo gibiro kawi kaka ngʼat moluwo Chik Musa.

Jo-Rumi 4:12

To bende en kwar joma oter nyangu, ma ok oter mana nyangu kende, to maluwo kit yie ma kwarwa Ibrahim ne nigo kane pok otere nyangu.

Jo-Galatia 1:14

Jo-Yahudi mangʼeny ma mbesena ne aloyo kuom lony e kit lemo marwa, kendo ne aketo chunya mar rito chike duto mag kwerena.

2 Jo-Thesalonika 3:11

Wawinjo ni jomoko kuomu budho abudha. Ok giti, tije jowetegi ema gikeloe weche manono.

2 Jo-Thesalonika 3:6

Wachikou jowetewa e nying Ruoth Yesu Kristo mondo upogru gi jowete ma budho abudha kendo ok lu puonj mane uyudo kuomwa.