Mariko 5:6 - Motingʼo Loko Manyien

⁶ Kane oneno Yesu kabiro gi kuma bor, noringo odhi ire mopodho piny e nyime.

MUMA MALER 2015

⁶ Ne oneno Yesu kapod en gi chien, mi ne oringo ogoyo chonge e nyime,

Mariko 5:6 ပူးပေါင်းရင်းမြစ်များ

Zaburi 66:3

Wachne Nyasaye niya, “Mano kaka timbe mitimo dongo! Tekoni duongʼ manade, mamiyo wasiki duto leny nono koneni.

Zaburi 72:9

Ogendini modak e piny ongoro biro kulorene kendo wasike biro nangʼo lowo gi dhogi.

Mariko 5:5

Otieno gi odiechiengʼ duto ngʼatni ne wuotho e kind liete kendo e gode man machiegni koywagore matek kendo kongʼolore gi kite.

Mariko 5:7

Nogoyo koko gi dwol maduongʼ mogik niya, “Yesu Wuod Nyasaye Man Malo Moloyo, angʼo milaro koda? Kuongʼri ne Nyasaye ni ok ibi sanda!”

Luka 4:41

Moloyo mano, jochiende nowuok oa kuom ji mangʼeny, ka goyo koko niya, “In e Wuod Nyasaye!” To nokwerogi kendo ne ok oyiene jochiendego mondo owuo nikech negingʼeyo ni en e Kristo.

Tich Joote 16:17

Kinde ka kinde ne oluwo bangʼ Paulo kod wan bende, kokok niya, “Jogi gin jotich Ruoth Nyasaye man Malo Moloyo, kendo ginyisou yor yudo warruok.”

Jakobo 2:19

Iyie ni nitiere Nyasaye achiel. Mano ber ahinya! To ngʼe ni kata mana jochiende bende yiegino miyo gitetni ka giluor.