Mariko 2:22 - Motingʼo Loko Manyien

²² Bende onge ngʼama olo divai manyien e piende moti mag tingʼo divai. Ka otimo kamano to divai manyien-no nyalo yiecho piend divaino mi divai pukre kendo piend divai kethre. Ooyo, divai manyien nyaka ol mana e piende manyien mag tingʼo divai.”

MUMA MALER 2015

²² Bende onge ng’ama nyalo olo divai manyien mapok ochiek e ndede moti, nikech kotimo kamano, to ndedego diyiechi mi kethre, kendo divai pukre. Kuom mano, divai manyien nyaka ol mana e ndede manyien!”

Mariko 2:22 ပူးပေါင်းရင်းမြစ်များ

Ayub 32:19

bende achalo gi chupa ma divai opongʼo iye kendo ka pien divai manyien madwaro barore.

Zaburi 119:80

Mad chunya bed maonge ketho, kuom rito chikeni, mondo kik ane wichkuot.

Zaburi 119:83

Kata obedo ni achalo pien tingʼo divai molier e iro, to wiya pok owil gi chikeni.

Mathayo 9:17

Kamano bende, ji ok nyal olo divai manyien e piende moti mag tingʼo divai. Ka gitimo kamano to piendego biro barore, mi divai pukre oko, kendo piende mag tingʼo divai biro kethore. Ooyo, giolo divai manyien e piende mag tingʼo divai manyien, eka iritogi maber giduto kargi ariyo.”

Mariko 2:21

“Onge ngʼama twangʼo rabaw mar law manyien kuom law moti. Ka otimo kamano to rabaw mar law manyien-no biro mich mi ywa law machon-no mi omed yiech moloyo.

Mariko 2:23

Chiengʼ Sabato moro Yesu noyudo kadho e kind puothe mag ngano mochiek, kendo jopuonjrene nochako jako wi ngano moko mochiek mondo gicham.

Joshua 9:13

Piend divai mane wapongʼo bende ne nyien, to koro neye kaka giyiech. Lepwa kod wuochewa bende oseti nikech wuoth marabora ahinya.”

Joshua 9:4

negiparo mondo giwuonde. Negidhi kaka jogo man-gi punde motingʼo ogunde moti gi piende divai moti kendo obaw.