Mariko 2:13 - Motingʼo Loko Manyien

¹³ Yesu nochako wuoth kendo koluwo tie Nam to oganda maduongʼ nobiro ire mi opuonjogi.

MUMA MALER 2015

¹³ Yesu nochako odok e dho nam Galili, kendo ji mathoth nobiro ire, mi opuonjogi.

Mariko 2:13 ပူးပေါင်းရင်းမြစ်များ

Mathayo 13:1

Odiechiengʼno Yesu nowuok e ot mi nobet e dho nam.

Mathayo 9:9

Kane oyudo Yesu dhi nyime koa kanyo ne oneno ngʼato ma nyinge Mathayo kobet piny e od jasol osuru. Nowachone niya, “Luwa,” mi Mathayo noa malo kendo noluwe.

Mariko 1:45

Kar timo kamano to ngʼatni nochako lando wachno e sa nogo mane oa ir Yesu. Kuom mano Yesu koro ne ok nyal donjo ayanga e dala moro amora, to nodak mana oko kuonde ma ji ongee. To kata kamano ji ne pod biro ire koa kuonde duto.

Mariko 10:1

Yesu noa kanyo modhi e gwengʼ mar Judea man loka aora Jordan. Oganda maduongʼ nochako obiro ire, kendo nopuonjogi kaka nojatimo kinde duto.

Mariko 2:2

Kuom mano ji mangʼeny nochokore mopongʼo ot mane entie maonge kama ilwaroe kata mana kede, koda ka dhoot oko, to Yesu nopuonjogi Wach.

Mariko 4:1

Kendo Yesu nochako puonjo e dho nam. To oganda maduongʼ nochokore molwore omiyo nodonjo ei yie mi obetie ka ji duto to ochungʼ oko e dho nam.

Luka 19:48

To ne ok ginyal yudo yo mar timo kamano, nikech ji duto norwako wachne.

Luka 21:38

To ji duto nobiro e hekalu chon gokinyi mondo giwinje.