Mariko 14:2 - Motingʼo Loko Manyien

² To ne giwinjore kendgi niya, “Kik watim kamano ka Sawo pod dhi nyime, nono to ji ongʼanyonwa.”

MUMA MALER 2015

² nimar ne gineno ni ber mondo kik gimake e ndalo Sawo, nikech dipo ka ji otimo koko.

Mariko 14:2 ပူးပေါင်းရင်းမြစ်များ

Ngeche 19:21

Dhano nigi chenro mangʼeny e chunye, to dwaro mar Jehova Nyasaye ema timore.

Ngeche 21:30

Onge rieko, onge neno matut, onge chenro manyalo loyo Jehova Nyasaye.

Ywagruok 3:27

Ber mondo ngʼato otingʼ jok kapod en ngʼama tin.

Mathayo 26:2

“Kaka ungʼeyo, odongʼ ndalo ariyo kende mondo chiengʼ Pasaka ochopi, kendo Wuod Dhano ibiro chiwo mondo ogur.”

Mathayo 26:5

To negiwacho niya, “Kik watim kamano kinde nyasi, nono to ji ogomo.”

Mariko 11:18

Jodolo madongo gi jopuonj chik nowinjo wachni mochako chano yo mar nege, nimar ne giluore nikech oganda duto nowuoro puonjne.

Mariko 11:32

To ka wawacho ni, ‘Noa kuom dhano.’ ” (Negiluoro ji, nikech ji duto nokawo ni Johana ema janabi adier.)

Mariko 14:1

Kane odongʼ ndalo ariyo mondo Sap Pasaka kod Sawo mar makati ma ok oketie thowi ochopi, jodolo madongo gi jopuonj chik ne manyo yo moro malingʼ-lingʼ mane ginyalo makogo Yesu mondo ginege.

Mariko 14:3

Kane oyudo Yesu ni Bethania, kochiemo e mesa e dala ngʼat moro miluongo ni Simon ja-dhoho, dhako moro nobiro gi chupa mar alabasta mopongʼ gi mo mangʼwe ngʼar kendo ma nengone tek. Notoyo ngʼut chupano mi oolo morno duto ewi Yesu.

Luka 20:6

To ka wawacho ni, ‘Noa kuom dhano,’ ji duto biro chielowa gi kite, nikech ne giyie ni Johana ne en janabi.”

Luka 22:1

Koro Sawo mar makati ma ok oketie thowi, miluongo ni Pasaka, ne chiegni,

Johana 12:19

Kuom mano, jo-Farisai nowacho e kindgi ngʼato gi ngʼato niya, “Uneno ka wachni e muomowa. Neyeuru kaka piny duto osewuok luwo bangʼe!”

Johana 7:40

Kane giwinjo wachno, moko kuom joma ne ni kanyo nowacho niya, “Jalni en janabi adier.”