Mariko 13:1 - Motingʼo Loko Manyien

¹ Kane oyudo Yesu oa e hekalu, achiel kuom jopuonjrene nokone niya, “Neye, Japuonj! Kitegi dongo manade! Magi gedo malich manade!”

MUMA MALER 2015

¹ Kane oyudo Yesu wuok e Hekalu, achiel kuom jopuonjrene nowachone niya, “Japuonj, neye kitegi kod udigi kaka dongo!”

Mariko 13:1 ပူးပေါင်းရင်းမြစ်များ

Jeremia 51:61

Nowachone Seraya, “Ka ichopo Babulon, ne ni isomo wechegi mondo owinji.

Ezekiel 10:19

Kerubigo noyaro bwombegi kendo negichako huyo ka gidhi malo ka anenogi, kendo kane gidhi, tiendego bende ne dhi kodgi. Negidhi mi gichungʼ e dhorangach mar od Jehova Nyasaye man yo wuok chiengʼ, kendo duongʼ mar Nyasaye mar Israel ne ni e wigi malo.

Ezekiel 10:4

Duongʼ mar Jehova Nyasaye nodum oa ewi kerubi modhi nyaka kama idonjogo e hekalu. Bor polo nopongʼo hekalu, kendo laru nopongʼ gi ler mar duongʼ mar Jehova Nyasaye.

Ezekiel 8:6

Nowachona kendo niya, “Wuod dhano, bende ineno gik ma dhood Israel timo ka, ma gin gik mamono mokalo awacha, gik mabiro riemba mabor gi kara maler mar lemo? To ibiro medo neno gik moko maricho moloyo mago.”