Mariko 12:34 - Motingʼo Loko Manyien

³⁴ Kane Yesu oneno ni ngʼatno odwoke gi rieko, nowachone niya, “Ok in mabor gi pinyruoth Nyasaye.” Chakre kanyo onge ngʼato kata achiel manohedhore penje penjo moro kendo.

MUMA MALER 2015

³⁴ Kane Yesu oneno kaka ng’atno odwoke gi rieko, nowachone niya, “Ok ibor gi Loch Nyasaye.” Bang’ mano, onge ng’ama nohedhore penjo Yesu wach moro kendo.

Mariko 12:34 ပူးပေါင်းရင်းမြစ်များ

Jo-Kolosai 4:6

Neuru ni wecheu obed mangʼwon man-gi ndhandhu kinde duto, mondo ungʼe kaka dudwoki ngʼato angʼata wach e yo mowinjore.

Luka 20:40

Omiyo onge ngʼato kata achiel manohedhore penje penjo moro kendo.

Mathayo 22:46

To onge ngʼato kata achiel mane nyalo dwoke kata wach achiel, kendo chakre chiengʼno kadhi nyime, onge ngʼato kata achiel manohedhore penje penjo moro kendo.

Jo-Galatia 2:19

“Nikech korka chik to ne asetho kuom chik mondo eka abed mangima ne Nyasaye.

Jo-Rumi 7:9

Mokwongo kane chik onge, to ne angima, to ka Chik nobiro, to richo nochier kuoma mi atho.

Mathayo 12:20

Kata obedo ni onenore kaka odundu mayom yom to ok notur, kendo kata obedo ni oliel ka taya ma mirimiri to ok notho, nyaka chop otel ne adiera mi lochi.

Mathayo 12:15

Kaka Yesu nongʼeyo chenrogino, nowuok kanyo. Ji mangʼeny noluwe, kendo nochango ji duto mane tuo,