Malaki 2:3 - Motingʼo Loko Manyien

³ “Abiro tieko kothu, nikech un; abiro mieno wen mag chiayo mutimonago misengni e nyasi mau e pat wengeu kendo anariembu kubakoru gi wen kamano.

MUMA MALER 2015

³ Anang’ad bedeu oko kendo anarwadh owuoch jamni mutimogo misengni e pat wengeu, mi nariembu ua e wang’a.

Malaki 2:3 ပူးပေါင်းရင်းမြစ်များ

1 Ruodhi 14:10

“ ‘ Kuom mano, adhi kelo chandruok ne od Jeroboam. Abiro ngʼado yawuowi duto mawuok e od Jeroboam man Israel bed ni gin wasumbini kata ok gin wasumbini. Abiro wangʼo od Jeroboam mana kaka ngʼato wangʼo owuoyo nyaka oliel duto.

Ayub 20:7

to ibiro yweye molal nono mana ka buru; joma yande ongʼeye nopenj ni, ‘Kare tinde erego?’

Zaburi 47:5

Nyasaye oseidho malo ka ji pake gi mor. Jehova Nyasaye osetingʼ malo ka dwond turumbete ywak.

Zaburi 83:10

mane jotho Endor modoko owuoyo mar dhok e lowo.

Wuok 29:14

To wangʼ ring rwadhno gi piene kaachiel gi wen oko mar kambi. En misango mar golo richo.

Jeremia 8:2

Chokego noyar oko e nyim chiengʼ gi dwe kod sulwe duto manie polo mane gihero kendo tiyonegi ma bende negiluwo bangʼ-gi ka gipenjo rieko kendo lamogi. Ok nochokgi kata ikgi, to ginichal ka owuoyo manie lowo.

Joel 1:10

Puothe okethore, lowo otwo; cham okethore, divai manyien orumo, mo bende onge.

Joel 1:17

Kothe otop motwo ei lowo. Ute keno okethore, dere osego piny, nikech cham onge.

Tim jo-Lawi 26:16

to koro ngʼeuru chuth ni mae e kaka abiro timonu: Anapou gi masira kod tho marach, gi tuo mayuyo wangʼ gi tuo mamiyo del dhe. Cham ma upidho ok nokonyu kata matin nikech jowasiku ema nochamgi.

Nahum 3:6

Abiro bayi gi gik modwanyore kendo mochido, ka an kod chuny marach kodi, kendo abiro keti gima ji jaro.

Malaki 2:9

“Kuom mano asemiyo ojari kendo okuod wiyi e nyim ji duto, nikech ok iseluwo yorega to isedewo wangʼ ji e yore mag chik.”

Luka 14:35

Ok owinjore ne tich lowo kata mana pidh owuoyo, omiyo ipuke oko. “Ngʼat man-gi it mar winjo wach mondo owinji.”

1 Jo-Korintho 4:13

bende ka iyanyowa, to wadwoko gi weche mangʼwon. Nyaka koroni wasedoko machal gi yugi mag piny; wachalo gik mowit oko ni onge tich!

Rapar mar Chik 28:38

Unuchwo kothe mangʼeny to unuka manok, nikech bonyo nokethgi.