Luka 8:53 - Motingʼo Loko Manyien

⁵³ Neginyiere, nikech negingʼeyo ni osetho.

MUMA MALER 2015

⁵³ To giduto ne ginyiere anyiera, nikech ne ging’eyo ni nyathi osetho.

Luka 8:53 ပူးပေါင်းရင်းမြစ်များ

Ayub 12:4

“Asedoko gima inyiero e dier osiepena, kata obedo ni an ngʼama kare kendo maonge ketho; to chon an ema ne Nyasaye winjo ywakna kendo dwoka!

Ayub 17:2

Jogo ma nyiera olwora koni gi koni; kendo asiko mana kaneno gero ma gin-go koda.

Zaburi 22:7

Ji duto monena jara; gidiro ayany ka gikino wigi.

Isaya 53:3

Ne ojare mokwede gi oganda, en ngʼat mane neno chandruok mangʼeny, kendo mosiko kawinjo rem. Ji nojare kendo wan bende ne ok wamiye luor, mana ka ngʼama ok dwar neno.

Mathayo 9:24

nowacho niya, “Aiuru kae; nimar nyakoni ok otho, onindo aninda.” To gin neginyiere anyiera.

Luka 16:14

Jo-Farisai mane ohero pesa nowinjo magi duto kendo neginyiero kagijaro Yesu.

Luka 8:52

Gie kindeno, ji duto ne goyo nduru kendo Yesu nowachonegi niya, “Weuru ywak nimar ok otho to onindo aninda.”

Luka 8:54

To nomako lwet nyakono kendo nowacho niya, “Nyathina, chungi ia malo.”

Johana 11:39

Yesu nowacho niya, “Goluru kidino oko e dho liel.” To Maritha ma nyamin ngʼat mane othono nokwer niya, “Ruoth, sani koro en gi tik marach, nimar osetieko ndalo angʼwen nyaka notho.”