Luka 8:48 - Motingʼo Loko Manyien

⁴⁸ Eka nowachone niya, “Nyara, yieni osechangi. Dhi gi kwe.”

MUMA MALER 2015

⁴⁸ Yesu nowachone niya, “Nyara, yieni ema omiyo ichango. Dhiyo gi kue.”

Luka 8:48 ပူးပေါင်းရင်းမြစ်များ

2 Ruodhi 5:19

Elisha nokone niya, “Dhi gi kwe.” Bangʼ ka Naaman nosewuotho mochwalore,

Wuok 4:18

Eka Musa nodok ir Jethro jaduongʼne mowachone niya “Yie iweya adog Misri ir joga mondo ane kapo ni nitie moro kuomgi ma pod ngima.” Jethro nodwoke niya, “Dhiyo kendo ibed gi gweth.”

Mathayo 12:20

Kata obedo ni onenore kaka odundu mayom yom to ok notur, kendo kata obedo ni oliel ka taya ma mirimiri to ok notho, nyaka chop otel ne adiera mi lochi.

Mathayo 8:13

Eka Yesu nowachone ja-Kenturo niya, “Dhiyo! Biro timoreni mana kaka iseyie ni notimreno.” Kendo jatichne nochango e sa nogono.

Mathayo 9:2

Jomoko nokelone ja-athany, konindo e pien. Kane Yesu oneno yie ma jogo ne nigo, nowachone ja-athanyno niya,“Wuoda, bed gi kwe e chunyi, richoni oweni.”

Mathayo 9:22

Kane Yesu olokore monene, nowachone niya, “Bed motegno nyara, nikech yieni osechangi.” Kendo dhakono nochango chakre sano.

Mariko 5:34

Yesu nowachone niya, “Nyara yieni osechangi. Dhi gi kwe kendo chandruokni mondo orum chuth.”

Luka 17:19

Eka nowachone niya, “Chungi kendo idhi, yieni osemiyo ibedo mangima.”

Luka 18:42

Yesu nowachone niya, “Nen! Yieni ema ochangi.”

Luka 7:50

Yesu nowachone dhakono niya, “Yieni oseresi; dhi gi kwe.”

Luka 8:47

Bangʼ kane dhakono oneno ni ok onyal aa ma ok ofwenyore, nobiro ka otetni kendo nopodho e tiend Yesu. Nohulo e nyim ji duto gimomiyo nomule kendo kaka nochango sano sano.

Tich Joote 14:9

Nochiko ite kowinjo kaka Paulo ne wuoyo. Paulo nongʼiye tir moneno ka en-gi yie mane nyalo miyo ochangi,

2 Jo-Korintho 6:18

Kendo, “Anabed Wuonu, to unubed yawuota gi nyiga, Jehova Nyasaye Maratego ema owacho.”

Jo-Hibrania 4:2

Nikech wan bende oseyalnwa Injili mana kaka gin bende noyalnegi, to kata kamano wach mane giwinjo ne ok okelonegi konyruok, nikech ne ok girwake kuom yie.

1 Samuel 1:17

Eli nodwoke kawachone niya, “Dhi gi kwe, mad Nyasach Israel miyi gima isebedo kikwaye.”