Luka 7:46 - Motingʼo Loko Manyien

⁴⁶ Ne ok iolo mo e wiya, to oseolo mo mangʼwe ngʼar e tiendena.

MUMA MALER 2015

⁴⁶ Bende ne ok iwiro wiya gi mo. En to osewiro tienda gi mo mang’ue ng’ar.

Luka 7:46 ပူးပေါင်းရင်းမြစ်များ

2 Samuel 12:20

Daudi noa malo e lowo. Kane oseluokore, nowirore gi mo moloko lewni mane orwako, nodhi e od Jehova Nyasaye mi olemo. Bangʼe nodhi e ode owuon, mine okwayo chiemo momiye mochamo.

2 Samuel 14:2

Omiyo Joab nooro ngʼat moro Tekoa mi okelne dhako moro mariek koa kuno. Nowachone niya, “Wuondri ni ikuyo. Rwak lep ywak kendo kik iwirri gi mo del. Chal ka dhako mosebet ka ywago ngʼate motho kuom ndalo mangʼeny.

Zaburi 104:15

kaachiel gi divai mamoro chuny dhano, gi mo mamiyo lela wangʼe leny, kod makati molerogo chunye.

Zaburi 23:5

Iloso mesa e nyima ka wasika neno. Iwiro wiya gi mo; kikombena opongʼ moo oko.

Eklesiastes 9:8

Kinde duto rwakri gi lewni marochere, kendo kinde duto wir wiyi gi mo.

Daniel 10:3

ka ok acham chiemo moro amora moa e od ruoth bende ringʼo kata divai ne ok donji e dhoga, kendo ne ok awirora gi mo moro amora nyaka jumbe adekgo norumo.

Amos 6:6

Un joma madho divai mangʼeny gi agwetni madongo, kendo uwiroru gi modhi mangʼwe ngʼar ma nengogi tek, to ok ane ka un gi lit kata ka joka Josef rumo kamano.

Mika 6:15

Unupidh cham to ok unukagi; ubiro biyo zeituni to ok unukonyru gi modhigi un uwegi, bende ubiro biyo mzabibu to ok unumadh divai mag-gi.

Mathayo 6:17

To in, kitweyo chiemo to ol mo e wiyi kendo luok wangʼi,

Luka 7:47

Emomiyo, awachoni ni richone mathoth osewene, nikech nonyiso hera mathoth. To ngʼat mowene richo manok, herane bende tin.”

Ruth 3:3

Luokri kendo wirri gi mo madungʼ tik mamit, kendo rwak lepi mabeyo mogik. Kisetimo kamano, to dhi mwalo nyaka kar dino cham, to kik iwe ongʼe ni in kanyo nyaka sa ma osetieko chiemo gi metho.