Luka 7:17 - Motingʼo Loko Manyien

¹⁷ Wach maberni mar Yesu nolandore e Judea mangima kod gwenge mokiewo kode.

MUMA MALER 2015

¹⁷ Humb wachno nolak e Judea duto, kendo e gwenge mokiewo kode.

Luka 7:17 ပူးပေါင်းရင်းမြစ်များ

Mathayo 2:1

Bangʼ kane osenywol Yesu e dala mar Bethlehem e piny Judea, e ndalo loch Ruoth Herode, Joma Riek moko moa yo wuok chiengʼ nobiro Jerusalem,

Mathayo 4:24

Humbe nolandore e piny Siria duto, kendo ji nokelone joma ne tuo gi kit tuoche mayoreyore gi joma ne nigi rem mapek gi joma ne nigi jochiende gi joma ne chunygi yudhore kod joma ne nigi athany, mi nochangogi.

Mathayo 9:26

Wach gima notimoreno nolandore e gwengʼno duto.

Mathayo 9:31

To gin negidhi mi gikeyo wach kuome e gwengʼno duto.

Mariko 1:28

Humb Yesu ne olandore piyo piyo e gwenge duto molworo Galili.

Mariko 6:14

Ruoth Herode nowinjo wechegi, nikech nying Yesu koro noselandore mongʼere malach. Jomoko ne wacho kuom Yesu niya, “Johana Ja-batiso osechier oa kuom joma otho, kendo mano emomiyo teko mar timo honni ni e ngimane.”

Luka 4:14

Yesu nodok Galili gi teko mar Roho, kendo wachne nolandore e gwenge duto moluoro Galili.

Luka 7:14

Eka nodhi machiegni kendo nomulo sanduku mane otingʼe wuowi manotho, to jogo mane otingʼe nochungʼ. Nowachone, “Wuowi matin, awachoni, chungi aa malo!”