Luka 6:11 - Motingʼo Loko Manyien

¹¹ To negikecho kendo negichako wuoyo ngʼato gi ngʼato kuom gino ma digitim ni Yesu.

MUMA MALER 2015

¹¹ To mirima mager nomako jogo, mi gichako pimo wach ka giparo gima digitim ni Yesu.

Luka 6:11 ပူးပေါင်းရင်းမြစ်များ

Eklesiastes 9:3

Ma e richo mantiere kuom gimoro amora matimore e piny: Giko machalre choponegi duto. Kata kamano, chuny dhano opongʼ gi richo kendo nitie neko e pachgi e kinde ma gingima, to bangʼe to giriwore gi joma otho.

Mathayo 16:7

Ne giwuoyo kendgi kuom wachni, kagiwacho niya, “Owuoyo kamano nikech ne ok watingʼo makati kata achiel.”

Mathayo 21:45

Ka jodolo madongo gi jo-Farisai nowinjo ngeche mag Yesu, negingʼeyo ni gin ema nowuoyo kuomgi.

Luka 4:28

Ji duto mane ni e sinagogi ne mirima mager omako kane giwinjo wechegi.

Luka 6:10

Norangogi duto, to eka nowachone ngʼatno niya, “Rie lweti.” Notimo kamano, kendo lwete nochango chuth.

Luka 6:12

Chiengʼ moro achiel Yesu nowuok modhi e bath got moro mondo olem kendo nobedo otieno duto kolamo Nyasaye.

Johana 11:47

Eka jodolo madongo gi jo-Farisai nochoko buch jo-Sanhedrin, kendo negipenjore niya, “Watim angʼo? Ngʼatni medo timo timbe honni mangʼeny moloyo.

Johana 7:1

Bangʼ mano Yesu nodhi koni gi koni e piny Galili, kotemo bedo mabor gi Judea nikech jo-Yahudi ne rite kuno mondo ginege.

Tich Joote 26:11

Kuom kinde mangʼeny ne adhi e sinagogi ka sinagogi mondo akawgi akumgi, kendo natemo chunogi mondo giyany Nyasaye. Nikech chunya ne rach kodgi ni nyaka atiekgi, ne adhi nyaka e mier ma oko mondo asandgi.

Tich Joote 4:15

Kuom mano, negiriembogi oko mar buch Sanhedrin, eka bangʼe ne gikuotho e kindgi giwegi niya,

Tich Joote 4:19

To Petro gi Johana nodwokogi niya, “Un ema ungʼad bura kendu, ka bende en gima ber e nyim Nyasaye mondo wawinju moloyo winjo Nyasaye.

Tich Joote 5:33

Kane giwinjo wachni, mirima mager nomakogi, kendo negidwaro nego joote.

Tich Joote 7:54

Kane jobura owinjo weche mane Stefano owacho, igi nongʼondore mi gikayone lekegi.

2 Timotheo 3:9

To ok ginidhi mabor nikech fupgi biro nenore ni ji duto mana kaka notimore ni jogo.