Luka 5:36 - Motingʼo Loko Manyien

³⁶ Eka nogoyonegi ngero machalo kama: “Onge ngʼama nyalo yiecho dir law manyien mondo obawgo mano moti. Ka otimo kamano, to obiro bedo ni oyiecho law manyien, kendo dir law manyien mobawgo law moti ok bi winjore gi moti.

MUMA MALER 2015

³⁶ Eka Yesu nogoyonigi ngero niya, “Onge ng’ama nyalo yiecho law manyien mondo obawgo law moti, nikech kotimo kamano to oketho law manyien, to bende rabaw mowuok kuom law manyien ok diwinjre gi law machon.

Luka 5:36 ပူးပေါင်းရင်းမြစ်များ

Tim jo-Lawi 19:19

“ ‘Rituru yorena. “ ‘Kik uwe jamni mopogore opogore luwre ma nywol nyithindo. “ ‘Kik uriw kodhi e puodho achiel, kendo kik urwak nanga motwangʼ gi usi ariyo mopogore opogore.

Luka 5:35

To ndalo biro ma wuon kisera nogol e kindgi, e ndalogo ginitwe chiemo.”

Luka 5:37

Bende onge ngʼama olo divai manyien e piende moti mag tingʼo divai. Ka otimo kamano, divai manyien nyalo yiecho piend divaino mi divai pukre kendo piend divai biro kethore.

2 Jo-Korintho 6:16

Winjruok mane ma hekalu mar Nyasaye nigo gi nyiseche manono? Nikech wan e hekalu mar Nyasaye mangima! Mana kaka Nyasaye owuon osewacho niya: “Abiro dak eigi kendo abiro wuotho e diergi, kendo abiro bedo Nyasachgi to ginibed joga.”

Rapar mar Chik 22:11

Kik irwak law molos gi yie rombo kod katana motwangʼ kanyakla.