Luka 3:20 - Motingʼo Loko Manyien

²⁰ Herode nomedo timo gima rachie moloyo kendo nomako Johana motero e od twech.

MUMA MALER 2015

²⁰ Herode nomake, mokete e jela. Kamano Herode notimo gima rachie moloyo.

Luka 3:20 ပူးပေါင်းရင်းမြစ်များ

2 Ruodhi 21:16

To kata kamano Manase nochwero remb joma onge ketho mi remb jogo nopongʼo Jerusalem duto, kiweyo richo mane omiyo jo-Juda otimo, mine gitimo richo e wangʼ Jehova Nyasaye.

2 Ruodhi 24:4

kaachiel gichwero remo maonge ketho. Jehova Nyasaye ne ok oikore mar weyone richone nikech nosechwero remo maonge ketho mopongʼogo Jerusalem.

2 Weche mag Ndalo 36:16

To negimedo jaro joote Nyasaye ka gichayo wechene kendo ka ginyiero jonabi mage nyaka mirima nomako Jehova Nyasaye kod joge maonge kaka dikony.

Nehemia 9:26

“Kata kamano negibedo maonge luor mi gingʼanyoni; kendo wigi nowil kod chikeni. Neginego jonabi magi; mane osebedo ka puonjogi mondo gidwog iri; negitimo timbe maricho miwuoro.

Jeremia 2:30

“Kum mane akumogo jou nobedo kayiem nono; kendo ne ok gilokore. Liganglani osekidho jonabi magi mana kaka sibuor modenyo.”

Mathayo 4:12

Ka Yesu nowinjo ni Johana oseter e od twech, nodok Galili.

Johana 3:24

(Mano notimore ka Johana ne pok oter e od twech.)

Fweny 16:6

nimar jogi ne osechwero remb jogi maler, gi jonabi mane onegi, to koro isemiyo gimadho remo mana kaka owinjore kodgi.”