Luka 23:34 - Motingʼo Loko Manyien

³⁴ Yesu nowacho niya, “Wuora, wenegi, nikech gikia gima gitimo!” To ne gipogore lepe ka gigoyo ombulu.

MUMA MALER 2015

³⁴ Yesu nowacho niya, “Wuora, wenigi, nikech gikia gima gitimo.” Askeche to nokawo lepe, mi gipogore gi ombulu.

Luka 23:34 ပူးပေါင်းရင်းမြစ်များ

Chakruok 50:17

‘Akwayi mondo iwene owetegi richogi kod gima mono mane gitimoni.’ Kuom mano yie iwenwa timbewa duto ma wasetimoni nikech wan jotich Nyasach wuonu.” To kane Josef owinjo wechego, pi wangʼe noton.

Zaburi 22:18

Ne gipogore lepa e kindgi giwegi kendo gigoyo ombulu ne nangana.

Isaya 53:12

Kuom mano abiro miye pok e kind thuondi kendo enopog gik moyaki gi rateke, nikech ne ochiwo ngimane nyaka tho mine okwane kod joketho. Nimar notingʼo richo ji mangʼeny kendo nochungʼ kar joricho e nyim Nyasaye.

Mathayo 11:25

E sechego Yesu nowacho niya, “Apakoi Wuonwa, Ruodh polo gi piny, nikech isepando gigi ne joma riek gi joma osomo, to isefwenyogi ne nyithindo matindo.

Mathayo 11:26

Ee Wuora, nimar mano ema ne berni kotimore.

Mathayo 5:44

Anto awachonu kama: Heruru wasiku kendo lamuru ne joma sandou,

Mariko 15:24

Eka negigure. Ne gipogore lepe, ka gigoyo ombulu mondo gingʼe gima ngʼato ka ngʼato onego okaw.

Luka 22:42

“Wuora, ka iyie, to gol kikombeni oa kuoma, to ok dwarona, to mari ema otimre.”

Johana 17:9

Koro alamonegi. Ok alam ni piny, to alamo ni joma isemiya, nimar gin magi.

Johana 19:11

Yesu nodwoke niya, “Ok dibedo gi teko moro amora kuoma ka dine bed ni ok omiyigo koa malo. Kuom mano ngʼama noketa e lweti nigi ketho maduongʼ moloyo richo misetimo.”

Tich Joote 16:28

To Paulo nokok matek kawacho niya, “Kik ihinyri! Wantie waduto!”

Tich Joote 3:17

“To koro, owetena, angʼeyo ni ne utimo gigo ka ok ungʼeyo, mana kaka jotendu bende notimogi kane ok gingʼeyo.

Tich Joote 7:60

Eka nogoyo chonge piny mokok matek niya, “Ruoth, kik ikwan richoni e wigi.” Kane osewacho kamano, to chunye nochot.

Jo-Rumi 12:14

Gwedhuru joma sandou; gwedhgiuru agwedha, kik ukwongʼ-gi.

1 Jo-Korintho 2:8

Jotend pinyni kata achiel ok nowinjo tiend rieko mwayaloni, nikech ka dine giwinje, to ok dine giguro Ruodh Duongʼ.

1 Jo-Korintho 4:12

Watiyo matek gi lwetewa. Ka ikwongʼowa, to wagwedho joma kwongʼowa; kisandowa, to wayie isandowa asanda;

1 Timotheo 1:13

Kata obedo ni chon ne awuoyo marach kuom Nyasaye kendo ne asando joma oyie ka akwiny, to nokecha nikech natimo gigo kuom kia kendo kuom bedo maonge yie.

1 Petro 3:9

Kik uchul richo kar richo, kata ayany kar ayany kar timo kamano to gwedhuru agwedha, nikech mano omiyo noluongou, mondo uyud gweth.