Luka 23:32 - Motingʼo Loko Manyien

³² Ji ariyo moko, ma joketho, bende negigolo oko kode mondo ogurgi.

MUMA MALER 2015

³² Ji ariyo mamoko ma joketho bende ne gidhigo mondo gigur gi Yesu.

Luka 23:32 ပူးပေါင်းရင်းမြစ်များ

Isaya 53:12

Kuom mano abiro miye pok e kind thuondi kendo enopog gik moyaki gi rateke, nikech ne ochiwo ngimane nyaka tho mine okwane kod joketho. Nimar notingʼo richo ji mangʼeny kendo nochungʼ kar joricho e nyim Nyasaye.

Mathayo 27:38

Jomecho ariyo bende negiguro kode, achiel e bathe korachwich to machielo e bathe koracham.

Mariko 15:27

Jomecho ariyo bende negiguro kode, achiel e bathe korachwich to machielo e bathe koracham. [

Luka 22:37

Osendiki ni: ‘Ne okwane kod joketho’; kendo awachonu ni wachni nyaka timrena. Ee, gino mondik kuoma koro chiegni timore.”

Luka 23:31

Nimar ka ji timo gigi ka yath numu, angʼo mabiro timore ka otwo?”

Johana 19:18

Negigure kanyo, kaachiel gi ji ariyo mamoko. Yesu ne ogur e diere, ka ngʼato achiel ni e bathe konchiel to moro e bathe komachielo.

2 Timotheo 2:9

Wach maberno emomiyo isanda kendo itweya ka ngʼat matimo richo. To wach Nyasaye ok otwe.

Jo-Hibrania 12:2

Wachomuru wangʼwa kuom Yesu, ma en jachak kendo jachop yie marwa. Nikech nogeno yudo mor mane oikne ni nonwangʼ achien, nochayo tho malit mar msalaba ka ok odewo wichkuot ma tho ma kamano kelo, kendo koro obet piny e bat korachwich mar kom duongʼ mar Nyasaye.