Luka 22:33 - Motingʼo Loko Manyien

³³ To nodwoke niya, “Ruoth, aikora dhiyo kodi e od twech kendo e tho.”

MUMA MALER 2015

³³ Petro nodwoke ni, “Ruoth, aikora dhi kodi e jela kata mana kar tho bende.”

Luka 22:33 ပူးပေါင်းရင်းမြစ်များ

Ngeche 28:26

Ngʼat moketo genone kuome owuon ofuwo, to ngʼatno mawuotho e rieko, oritore maonge hinyruok.

Jeremia 10:23

Angʼeyo, yaye Jehova Nyasaye, ni ngima dhano ok en mare owuon; ok en mar dhano mondo ochik yorene.

Jeremia 17:9

Chuny en jawuond moloyo gik moko duto kendo ok nyal thiedhe. En ngʼa manyalo ngʼeye?

Mathayo 20:22

To Yesu nowachonegi niya, “Ok ungʼeyo gima ukwayo. Bende unyalo madho kikombe ma adhi madhoni?” Negidwoke niya, “Wanyalo.”

Mariko 14:29

To Petro nonyiso Yesu niya, “An ok abi weyi kata ka ji duto oringo oweyi.”

Mariko 14:31

To Petro nosingore koramo niya, “Kata ka ochuno ni nyaka atho kodi, to ok abi kwedi ngangʼ.” Jopuonjre mamoko duto bende nowuoyo machalre gi Petro.

Luka 22:34

Yesu nodwoko niya, “Awachoni, Petro, kapok thuon gweno okok kawuono, ibiro kweda nyadidek ni ok ingʼeya.”

Luka 22:57

To nokwerogo, kowacho niya, “Dhako, ok angʼeye!”

Johana 13:38

Eka Yesu nodwoke niya, “Bende inyalo chiwo ngimani nikech an adier? Anyisi ni kapok thuon gweno okok, wangʼ inikweda nyadidek!

Tich Joote 21:13

To nodwokowa kowacho niya, “Angʼo momiyo uywak kendo unego chunya? An aikora ok mana ni twech kende, to kata ni tho e Jerusalem kuno, nikech nying Ruoth Yesu.”