Luka 21:18 - Motingʼo Loko Manyien

¹⁸ To kata mana yie wiu achiel onge manolal.

MUMA MALER 2015

¹⁸ To kata kamano, onge kata yie wiu achiel ma nolal.

Luka 21:18 ပူးပေါင်းရင်းမြစ်များ

2 Samuel 14:11

Nowacho niya, “Kara koro ruoth osingre gi nying Jehova Nyasaye ni odhi tamo jachul kuor mondo kik omed ketho kendo mondo wuoda kik negi.” Nowacho niya, “Akwongʼora gi nying Jehova Nyasaye mangima ni onge yie wi wuodi kata achiel manolwar piny.”

Mathayo 10:30

Bende, kata mana yie wiu duto osekwan mongʼe kar rombgi.

Luka 12:7

Chutho, kata mana yie wiu duto osekwan mongʼe kar rombgi. Kik uluor, nikech uloyo oyundi nyadi mangʼeny.

Luka 21:17

Ji duto biro sin kodu nikech an.

Tich Joote 27:34

Koro yieuru koda mondo uchamie gimoro matin mondo ubed mangima. Awachonu ni onge ngʼato kata achiel kuomu mabiro wito kata mana yie wiye achiel.”

1 Samuel 14:45

To ji nowachone Saulo niya, “Bende Jonathan ditho to en ema osekelo konyruok maduongʼ kama e Israel? Ok nyalre! Akwongʼora gi nying Jehova Nyasaye mangima ni kata yie wiye achiel ok nolwar piny nikech Jehova Nyasaye ema okonye timo ma.” Kamano ji noreso Jonathan kendo ne ok onege.

1 Samuel 25:29

Kata obedo ni ngʼato lawi mondo otiek ngimani, to ngima mar ruodha notwe motegno gi kanyakla mar joma ngima gi Jehova Nyasaye ma Nyasachi. To ngima wasiki to nowit mabor mana ka gima odir gorujre.