Luka 18:5 - Motingʼo Loko Manyien

⁵ to nikech dhako ma chwore othoni osiko chanda, abiro neno ni angʼadone bura kare, mondo kik oola gibiro ma obirogo ira pile!’ ”

MUMA MALER 2015

⁵ to chi lielni chanda, omiyo abiro ng’adone bura kare, mondo kik obemba gi biro ira pile.’ ”

Luka 18:5 ပူးပေါင်းရင်းမြစ်များ

Nehemia 6:4

Ne giorona wach achielni nyadingʼwen, to seche duto ne amiyogi dwoko machalre.

Mathayo 15:23

To Yesu ne ok odwoke kata wach achiel. Omiyo jopuonjre nobiro ire mojiwe niya, “Riembe odhi, nikech osiko kogoyo koko bangʼwa.”

Luka 11:8

Awachonu ni kata obedo ni ok onyal aa malo mondo omiye makati kaka osiepne, to nikech kinda mar ngʼatno, obiro aa malo mi omiye moromo kaka odwaro.

Luka 18:3

To ne nitie dhako ma chwore otho moro e dalano manobedo kadhiyo ire pile giywakne kakwaye ni, ‘Yie ingʼadna bura e kinda gi ngʼat ma hinyani!’

Luka 18:39

To jogo ma notelo e yo nokwere kendo nowachone ni olingʼ thi, to nomedo goyo koko niya, “Wuod Daudi, yie ikecha!”

1 Jo-Korintho 9:27

Ooyo, asando ringra mondo owinj wachna, mondo kik yud ni an awuon ok ayudo osimb loch, bangʼ yalo Injili ne ji mamoko.

Jong’ad Bura 16:16

Noromo Samson gi wachni pile ka pile manomiyo koro odwaro mana dere.