Luka 18:18 - Motingʼo Loko Manyien

¹⁸ Jatelo moro nopenje niya, “Japuonj maber, en angʼo monego atim mondo ayud ngima mochwere kaka girkeni mara?”

MUMA MALER 2015

¹⁸ Jaduong’ jo-Yahudi moro nopenjo Yesu niya, “Japuonj! In, in ng’ama ber. Koro ere gima onego atim mondo ayud ngima mochwere?”

Luka 18:18 ပူးပေါင်းရင်းမြစ်များ

Ezekiel 33:31

Joga biro iri, kaka gihero timo, kendo gibet e nyimi mondo giwinj wecheni, to ok gitim gik miwachonegi. Gihulo gi dhogi kaka gin joma ochiwore ne Nyasaye, to chunygi to owuor ne gik mimayo ji.

Malaki 1:6

Jehova Nyasaye Maratego wacho niya, “Wuowi miyo wuon mare luor kendo jatich bende timo kamano ne ruodhe. Omiyo ka an wuoro, to ere luor mowinjore koda? To ka an Ruoth, to ere luor mowinjore koda?” “Yaye, jodolo, un ema ujaro nyinga. “To upenjo ni, ‘Ere kaka wajaro nyingi?’

Luka 18:19

Yesu nodwoke kapenje niya, “Angʼo momiyo iluonga ni ngʼama ber? Onge ngʼama ber, makmana Nyasaye kende.

Luka 6:46

“Angʼo momiyo uluonga ni, ‘Ruoth, Ruoth,’ to ok utim gima awacho?

Tich Joote 16:30

Bangʼe nogologi oko eka openjogi niya, “Jodongo, atim angʼo mondo owara?”

Tich Joote 2:37

Kane ji owinjo wachno, chunygi nongʼadonigi bura, mine giwachone Petro kod joote mamoko niya, “Owetewa, en angʼo ma dwatim?”