Luka 18:1 - Motingʼo Loko Manyien

¹ Eka Yesu nogoyo ngero ne jopuonjrene mondo onyisgi gibed ka gilamo kinde duto kendo kik chunygi aa.

MUMA MALER 2015

¹ Yesu nogoyo ni jopuonjrene ngero moro mondo opuonjgigo lamo Nyasaye pile mak ginyosore.

Luka 18:1 ပူးပေါင်းရင်းမြစ်များ

Zaburi 102:17

Obiro dwoko lamo mar ngʼama ok nyal kendo ok obi chayo lamogi.

Zaburi 27:13

To an gi ratiro kuom wachni: ni pod abiro neno ber Jehova Nyasaye, e piny joma ngima.

Zaburi 65:2

Yaye in miwinjo lamo, in ema ji duto biro biro iri.

Zaburi 86:3

Kecha, yaye Ruoth Nyasaye, nimar aywakni odiechiengʼ duto.

Isaya 40:31

to joma oketo genogi kuom Jehova Nyasaye tekregi nodwogi. Gibiro huyo mana ka ongo mafuyo gi bwombe; gibiro ringo to ok gibi bedo mool, bende gibiro wuotho to tekregi ok norum.

Isaya 62:7

kendo kik umiye yweyo nyaka chop olos Jerusalem mi omi obed dala marahuma mipako e piny ngima.

Jeremia 29:12

Eka unuluonga mi anabi kendo ulama, to anawinju.

Jona 2:7

“Ka chunya ne dwaro aa ne apari Jehova Nyasaye, kendo lemona nochopo nyaka e hekalu mari maler.

Luka 11:10

Nimar ngʼato ka ngʼato mokwayo imiyo, ngʼato madwaro nwangʼo kendo ngʼama dwongʼo, noyawne dhoot.

Luka 21:36

Beduru kurito kinde duto, kendo lemuru mondo utony ne gigo duto mabiro timore, kendo mondo uchungʼ e nyim Wuod Dhano.”

Jo-Rumi 12:12

Beduru mamor kuom geno, kutimo sinani e sand muyudo, kendo ulamo ma ok uywe.

2 Jo-Korintho 4:1

Emomiyo, ka koro Nyasaye osekechowa momiyowa tijni mondo watim, chunywa ok nyosre.

Jo-Galatia 6:9

Omiyo kik waol gi timo timbe mabeyo, nikech ka ok waol to wabiro keyo, ka ndalo ochopo.

Jo-Efeso 6:18

To lamuru kuom Roho kinde duto gi kit lamo duto, kendo ka ukwayo. Ka un gima e paro, to beduru mokichore kusiko ukwayo kinde duto ni jomaler duto.

Jo-Filipi 4:6

Kik uparru kuom gimoro amora, to kwauru Nyasaye gik moko duto muchando, kulamo, kendo kugoyone erokamano, kuketo kwayou mondo ongʼere ni Nyasaye.

Jo-Kolosai 4:12

Epafra ma jathuru kendo ma misumba Kristo Yesu bende omosou. Osiko olemonu matek ma ok oywe, mondo omi uchungʼ motegno, e dwaro Nyasaye duto kendo ka un gi adiera chutho.

Jo-Kolosai 4:2

Timuru kinda kuom lemo, kurito gi paro moyawore, kendo kugoyo erokamano ni Nyasaye.

1 Jo-Thesalonika 5:17

lemuru kinde duto;

1 Samuel 1:12

Kaka nomedo lamo Jehova Nyasaye, Eli ne ngʼiye ka nono dhoge.