Luka 17:34 - Motingʼo Loko Manyien

³⁴ Awachonu ni, otienono ji ariyo nobed e kitanda achiel: achiel nokaw to machielo nowe.

MUMA MALER 2015

³⁴ Awachonu ni, otienono ji ariyo nobed kanindo e kitanda achiel; achiel nokaw, to machielo nowe.

Luka 17:34 ပူးပေါင်းရင်းမြစ်များ

Zaburi 26:9

Kik ikaw chunya kaachiel gi joricho, kik ikaw ngimana kod joma ohero chwero remo,

Zaburi 28:3

Kik iywaya oko gi joricho, kod joma timo gik maricho, joma wuoyo gi jowetegi maber to opando sigu e chunygi.

Isaya 42:9

Koro ne, gik machon osetimore bende anyisou gik manyien mabiro timore, to kapok gitimore to ahulonugi.”

Jeremia 45:5

Bende inyalo dwaro gik madongo ne in owuon? Kik idwargi. Nimar anakel masira ne ji duto, Jehova Nyasaye wacho, to kamoro amora midhiyoe anares ngimani.’ ”

Mathayo 24:25

Ero, asenyisou chon kapok kindeno ochopo.

Mariko 13:23

Emomiyo ritreuru un uwegi; asenyisou gik moko duto motelo kapok kindego ochopo.

Mariko 14:29

To Petro nonyiso Yesu niya, “An ok abi weyi kata ka ji duto oringo oweyi.”

Luka 13:24

“Temuru matek mondo udonj e dhoot madiny, nikech awachonu ni, ji mangʼeny biro temo mondo odonj to ok gibi nyalo ngangʼ.

Luka 13:3

Awachonu ni ooyo! To ka ok ulokoru uweyo richou, un duto unutho kamano.

Luka 13:5

Awachonu ni ooyo! To ka ok ulokoru uweyo richou un bende ubiro mana tho.”

Luka 17:33

Ngʼatno matemo reso ngimane, ngimane biro lalne, to ngʼatno mowito ngimane, nores ngimane.

Luka 17:35

Mon ariyo noyudi karego cham kaachiel, achiel nokaw, to machielo nowe. [

2 Petro 2:9

to ka en kamano, to kare Ruoth ongʼeyo kaka dores joma omiye luor kuom tembe ma giyudo kendo ongʼeyo kaka okano joma richo ni kum chiengʼ Bura, ka gidhi nyime kod kumgi.