Luka 17:3 - Motingʼo Loko Manyien

³ Omiyo ritreuru uwegi. “Ka owadu otimo richo, kwere, to ka olokore oweyo richo, to wene.

MUMA MALER 2015

³ Beduru motang’! Ka owadu okethoni, to kwere. To koyie kethone, to wene.

Luka 17:3 ပူးပေါင်းရင်းမြစ်များ

Zaburi 141:5

Onego ngʼat makare ema ogoya, nikech mano chalo tim ngʼwono motimona; onego en ema okwera, nikech mano chalo mo mool e wiya; ok anyal dagi mondo ngʼama kare otimna kamano. To kata kamano obiro kwedo timbe joma richo e lemona;

Wuok 34:12

Beduru motangʼ ne timo winjruok gi jogo modak e pinyno ma udhiyoe, nono to ginibednu obadho.

Ngeche 17:10

Puonj mar kwer konyo ngʼat mariek, moloyo chwat nyadi mia ni ngʼat mofuwo.

Ngeche 27:5

Kwero ngʼato ratiro ber moloyo hera mopandi.

Ngeche 9:8

Kik ikwer ngʼat ma jaro ji, nikech mano biro miyo obedo mamon kodi, kirieyo ngʼat mariek, to obiro heri.

Tim jo-Lawi 19:17

“ ‘Kik ibwon owadu gi chunyi. Nyis wadu kethone e wangʼe, mondo kik iriwri kode e richone.

Mathayo 18:21

Eka Petro nobiro ir Yesu mopenje niya, “Ruoth, owinjore awe ne owadwa ndalo adi kokethona? Nyaka ndalo abiriyo koso?”

Luka 21:34

“Beduru motangʼ, nono chunyu biro bedo monyosore gi pek, mer kod parruok mar ngima to ndalono nochopnu apoya kaka obadho.

Jo-Efeso 5:15

Beduru motangʼ ahinya kaka udak, kik udag ka joma ofuwo, to daguru ka joma riek,

Rapar mar Chik 4:15

Ne ok uneno Jehova Nyasaye gi wangʼu e kinde mane uwinjo dwonde koa e mach e got Horeb. Omiyo beduru motangʼ ahinya,

Rapar mar Chik 4:23

Beduru motangʼ mondo kik wiu wil gi singruok mane Jehova Nyasaye ma Nyasachu otimo kodu, kik ulos ne un uwegi kido moro amora milamo ma Jehova Nyasaye ma Nyasachu okwero.

Rapar mar Chik 4:9

Beduru motangʼ kendo neuru ni wiu ok owil gi gik museneno gi wangʼu kendo kik uwegi gia e chunyu ka pod ungima. Puonjuru nyithindu kod nyikwau wechegi.

Jo-Hibrania 12:15

Ritreuru mondo une ni onge ngʼato kuomu molal kendo oweyo ngʼwono mar Nyasaye, kendo kik uwe sigu moro bedi e kindu manyalo ketho ji mangʼeny.

Jakobo 5:19

Owetena, ka ngʼato kuomu obaro oweyo adiera, mi ngʼat moro odwoke e yo,

2 Johana 1:8

Omiyo ritreuru mondo gima usetiyone kik lalnu, eka unuyud mich magu duto.