Luka 17:10 - Motingʼo Loko Manyien

¹⁰ Omiyo un bende, ka usetimo gik moko duto mane onyisu mondo utim, onego uwach ni, ‘Wan mana jotich aticha ma ok owinjore to wasetimo mana tijwa.’ ”

MUMA MALER 2015

¹⁰ Kamano e kaka un bende, ka usetimo gik moko duto mane onyisu ni mondo utim, to onego uwach ni, ‘Wan mana jotich aticha, omiyo onge erokamano monego wayudi, nikech wasetiyo mana tichwa.’ ”

Luka 17:10 ပူးပေါင်းရင်းမြစ်များ

Isaya 6:5

Ne aywak niya, “mano kaka lit! Arumo chuth! Nimar an ngʼat ma dhoge wacho gik ma ok ler kendo adak e kind joma wechegi ochido, eka an to aseneno Ruoth, ma en Jehova Nyasaye Maratego gi wangʼa awuon.”

Isaya 64:6

Waduto wasebedo ka jok mogak, kendo timbewa duto mabeyo chalo mana gi lewni mochido; waduto wasener mana ka it oboke, kendo richowa mamono kwadhowa oko mabor mana ka yamo.

Jeremia 32:23

Negibiro kendo gikawo pinyno, to ne ok gilwori kata luwo chikeni; ne ok gitimo gik mane ichikogi mondo gitim. Omiyo ne ikelo kuomgi masichegi duto.

Mathayo 25:30

Koro kawuru jatich manonono udhir oko e mudho, kama ywagruok gi mwodo lak nobedie.’

Luka 17:11

Koro e yo kane odhiyo Jerusalem, Yesu nowuotho e kind Samaria gi Galili.

Luka 17:9

Bende onyalo goyone jatichneno erokamano nikech notimo gima nowachone notim?

Jo-Rumi 11:35

En ngʼa mosemiyo Nyasaye gimoro ma dobandh Nyasaye mondo ochule?

Jo-Rumi 3:12

Ji duto osebaro, giduto gisedoko joma nono; onge ngʼama timo maber, onge kata achiel.”

Filemon 1:11

Ne onge konyruok mane Onesimo keloni to sani koro okelo konyruok maduongʼ ne in kaachiel kod an bende.