Luka 13:27 - Motingʼo Loko Manyien

²⁷ “To obiro dwoko ni, ‘Ok angʼeyou, kata kuma uae akia. Ayiuru kuoma un jorichogi!’

MUMA MALER 2015

²⁷ To enodwoku ni, ‘Awachonu ni ok ang’eyou, kata kuma uaye bende ok ang’eyo. Auru kuoma, un joma timbegi richogi!’

Luka 13:27 ပူးပေါင်းရင်းမြစ်များ

Zaburi 1:6

nikech Jehova Nyasaye rango yor joma kare, to yor joma richo to biro kethore.

Zaburi 101:8

Okinyi kokinyi abiro tieko joma timbegi richo modak e piny. Abiro nego ngʼato angʼata matimo richo ka agologi e dala mar Jehova Nyasaye.

Zaburi 119:115

Ayiuru buta, un jorichogi, mondo arit chike mag Nyasacha!

Zaburi 125:5

To joma lokore luwo yore mobam Jehova Nyasaye biro kumo kaachiel gi joma timo timbe maricho. Israel mondo obed gi kwe.

Zaburi 28:3

Kik iywaya oko gi joricho, kod joma timo gik maricho, joma wuoyo gi jowetegi maber to opando sigu e chunygi.

Zaburi 5:6

Itieko joma wacho miriambo; Jehova Nyasaye ok mor gi joma dwaro chwero remo, kod jo-miriambo.

Zaburi 6:8

Ayiuru buta, un duto ji matimo richo, nikech Jehova Nyasaye osewinjo ywakna.

Hosea 9:12

Kata ka gipidho nyithindo, to namigi gibed gi kuyo kuom moro ka moro. Okwongʼ-gi, ka alokora mi ajwangʼogi!

Mathayo 25:12

“To nodwokogi ni, ‘Awachonu adier ni akiau.’

Mathayo 25:41

“Eka enowachne joma ni e bade koracham ni, ‘Auru buta, un joma okwongʼ-gi, mondo udonji ei mach manyaka chiengʼ mane olosi ne Jachien gi malaikege.

Luka 13:25

Ka wuon ot nochungʼ kendo lor dhoot ubiro chungo oko ka uduongʼo kendo sayo ni, ‘Ruoth, yawnwa dhoot.’ “To obiro dwokou ni, ‘Ok angʼeyou kata kuma uae akia!’

1 Jo-Korintho 8:3

To ngʼat mohero Nyasaye, to Nyasaye ongʼeyo.

Jo-Galatia 4:9

To ka koro usengʼeyo Nyasaye, kata kawacho e yo machielo maber moloyo ka koro Nyasaye osengʼeyou, to ere kaka uchako udok e timbe machon mag piny, mayom yom kendo maonge teko? Udwaro ni timbegi ochak oketu wasumbini kendo?

2 Timotheo 2:19

Kata kamano mise mongirore mar Nyasaye ochungʼ motegno kendo ondikie ndiko ma ok ruchre mawacho niya, “Ruoth ongʼeyo joge,” kendo niya, “Ngʼato ka ngʼato maluongo nying Ruoth nyaka pogre gi timbe maricho.”