Luka 12:46 - Motingʼo Loko Manyien

⁴⁶ Ruodh jatijno nobi e odiechiengʼ ma ok opar ni dobie kendo e sa ma ok ongʼeyo, enongʼade matindo tindo mi okete kaachiel gi joma ok oyie.

MUMA MALER 2015

⁴⁶ To chieng’ moro nopo ka ruodhe oduogo e sa ma ok ong’eyo, mi ruodhe nong’ade sirunde sirunde! Kamano nokume kaachiel gi joma ok oyie kuom Nyasaye.

Luka 12:46 ပူးပေါင်းရင်းမြစ်များ

Ayub 20:29

Mano e gima Nyasaye ochano ne joma timbegi richo, mano e girkeni ma Nyasaye oikonegi.”

Zaburi 11:5

Jehova Nyasaye nono joma kare, to joma timbegi richo kod joma ohero mahundu, to chunye ochayo.

Zaburi 37:9

Nikech joma richo ibiro ngʼad kargi oko, to joma oketo genogi kuom Jehova Nyasaye piny biro bedo margi.

Zaburi 94:14

Nimar Jehova Nyasaye ok bi dagi joge; ok obi jwangʼo girkeni mare.

Mathayo 24:50

Ruodh jatijno nobi e odiechiengʼ ma ok opar ni dobie, kendo e sa ma ok ongʼeyo.

Mathayo 24:51

Enongʼade matindo tindo mi okete kaachiel gi joma wuondore, kama ywagruok gi mwodo lak nobedie.

Luka 12:40

Omiyo kamano e kaka un bende onego ubed moikore, nikech Wuod Dhano biro biro sa ma ok ungʼeyo.”

Luka 12:45

To kapo ni jatijno owacho e chunye owuon ni, ‘Ruodha, okawo ndalo mathoth kapok odwogo,’ mi ochako goyo jotich machwo gi mon kendo owere ne chiemo gi metho, kod mer.

Luka 12:47

“Jatijno mongʼeyo dwaro mar ruodhe to ok otem timo gima ruodhe dwaro nochwad mangʼeny.

Fweny 16:15

“Neuru! Abiro apoya mana kaka jakuo! Ngʼatno en ngʼat mogwedhi ma nonwangʼ kaneno kendo ma orwako lepe mondo wiye kik kuodi ka oyude duk.”