Luka 12:26 - Motingʼo Loko Manyien

²⁶ To kaka ok unyal timo mani matin-ni, angʼo momiyo uparoru kuom gik mamoko?

MUMA MALER 2015

²⁶ Koro ka ok unyal timo kata mana gima tin kamano, to ere gima omiyo uparoru kuom weche mamoko?

Luka 12:26 ပူးပေါင်းရင်းမြစ်များ

Zaburi 39:6

Dhano en mana tipo makadho kata ka owuotho koni gi koni, orikni gi tijene mapile kayiem; ochoko mwandu mathoth ka ok ongʼeyo ngʼama obiro weyonegi.

Eklesiastes 7:13

Parane gima Nyasaye osetimo: En ngʼa manyalo rieyo gima osedolo?

Mathayo 6:25

“Emomiyo awachonu ni, kik uparru kuom ngimau, kata kuom gik ma ubiro chamo kata madho; kata kuom dendu kata gik ma ubiro rwako. Donge ngima duongʼ moloyo chiemo, koso del donge duongʼ moloyo lewni?

Luka 12:25

En ngʼa kuomu ma parruok moparorego nyalo miyo omed bedo mangima kata mana kuom sa achiel kende?

Luka 12:27

“Paruruane kaka ondanyo dongo. Ok ginyagre gi tich kata gi chwecho. To kata kamano awachonu ni kata mana Solomon e rwakruokne malich duto ne ok orwakore ka achiel kuomgi.

Luka 12:29

Kendo kik uket chunyu kuom gima dicham kata madi madhi, kik uparru kuom mago.

1 Petro 5:7

Keturu parruok duto ma un-go kuome nikech oparou.