Luka 11:45 - Motingʼo Loko Manyien

⁴⁵ Achiel kuom jal molony e chik nodwoke niya, “Japuonj, ka iwuoyo kamano wan bende iyanyowa.”

MUMA MALER 2015

⁴⁵ Eka japuonj Chik moro nowacho ni Yesu niya, “Japuonj, ka iwacho kamano, to wan bende iyanyowa!”

Luka 11:45 ပူးပေါင်းရင်းမြစ်များ

1 Ruodhi 22:8

Ruodh Israel nodwoko Jehoshafat niya, “Pod nitie ngʼato achiel manyalo penjonwa Jehova Nyasaye wach, to ok adware nikech ok okor gimoro amora maber kuoma, to kinde duto mana gik maricho. Nyinge en Mikaya wuod Imla.” Jehoshafat nodwoko niya, “Ruoth ok onego iwach kamano.”

Jeremia 20:8

Sa moro amora ma awuoyo, aywak ka goyo milome mar lweny kod kethruok. Omiyo wach Jehova Nyasaye osekelona ayany kod wichkuot odiechiengʼ mangima.

Jeremia 6:10

En ngʼa ma anyalo wuoyogo kendo miyo siemni? En ngʼa manyalo winja? Itgi odino omiyo ok ginyal winjo wach. Wach Jehova Nyasaye chwanyogi; ok gine gima ber kuome.

Mathayo 22:35

Achiel kuomgi, mane en ngʼat molony ahinya e chik noteme kapenje niya,

Luka 11:46

Yesu nodwoko niya, “Un joma olony e chik, bende chandruok ochomou nikech umiyo ji tingʼ mapek ma ok tingʼo yot ngangʼ, to un uwegi ok unyal konyogi tingʼogi kata mana gi lith lwetu.

Luka 11:52

“Unune malit un joma olony e chik, nikech usemayo ji rayaw mar dhood rieko. Un uwegi pok udonjo kendo joma donjo bende usegengʼonegi.”

Luka 7:30

To jo-Farisai kod jogo molony e chik nodagi dwaro mar Nyasaye kuomgi giwegi, nikech ne pok obatisgi gi Johana.)

Johana 7:48

Bende useneno jotend jo-Farisai kata achiel moyie kuome?

Johana 7:7

Piny ok nyal chayou, to an to piny ochaya nikech ahulo ni gik motimo richo.

Johana 9:40

Jo-Farisai moko mane ni kode nowinje kowacho kamano mi openje niya, “Iwacho angʼono? Kare wan bende wan muofni?”