Luka 10:7 - Motingʼo Loko Manyien

⁷ Beduru e odno, ka uchamo kendo umadho gimoro amora ma gimiyou, nimar jatich owinjore gi pokne. Kik uwuothi ka ua e ot ka ot.

MUMA MALER 2015

⁷ Beduru mana e odno, kendo chamuru gik ma gimiyou, nikech jatich ber gi pokne; to kik uring e udi.

Luka 10:7 ပူးပေါင်းရင်းမြစ်များ

Kwan 18:31

Un kod jouteu duto unyalo chamo bathe moko kamoro amora, nimar en pok maru ne tich mutiyo e Hemb Romo.

Mariko 6:10

Ot moro amora mudonje, to dagieuru nyaka udar e dalano.

Luka 10:6

Ka ngʼat kwe ni kanyo to kwe maru nobed kuome; to ka ok kamano, to kweuno noduognu.

Luka 9:4

Ubed e ot moro amora mudonje, nyaka ua e dalano.

Tich Joote 16:15

Bangʼ kane osebatise, en kaachiel gi joode duto, norwakowa e ode kowacho niya, “Ka ukwana kaka ngʼat moyie kuom Ruoth Yesu, to biuru mondo ubed wenda.” Nomedo sayowa kamano mine wadhi!

Tich Joote 16:34

Eka jarit od twech noterogi e ode momiyogi chiemo. Joodno duto nopongʼ gi mor, nikech koro ne giseyie kuom Nyasaye.

Tich Joote 16:40

Kane Paulo gi Sila osewuok e od twech, negidhi od Ludia, kendo kuno ne girome gi jowete mi gijiwogi. Bangʼe negia gidhi.

Jo-Galatia 6:6

Ngʼat mipuonjo Kristo nyaka pogne japuonjne gik moko duto mabeyo.

Rapar mar Chik 12:12

Kendo kanyo bedie mamor gi Jehova Nyasaye ma Nyasachi, in kaachiel gi yawuoti kod nyigi, jotichni ma yawuowi kod ma nyiri, jo-Lawi manie miechu, maonge gi pok kata girkeni ma mekgi giwegi.

Rapar mar Chik 18:8

Onego oyud pok maromre kodgi, kata obedo ni oseyudo pok makore koa e ndalo wuon-gi.

1 Timotheo 5:13

To bende ewi mano, gibedo jo-samuoyo ma budho abudha, ka gibayo abaya e ute ji koni gi koni. Ok gibed mana jo-samuoyo ma budho abudha kende, to bende gibedo jokuoth ka gichuogore e weche ji mamoko kendo ka giwuoyo e weche ma ok onego giwuoye.

2 Timotheo 2:6

Japur matiyo matek bende ema owinjore ocham nyak mokwongo mar cham.