Luka 10:32 - Motingʼo Loko Manyien

³² Kamano bende, ja-Lawi moro kane ochopo kanyo monene nokadho gi komachielo.

MUMA MALER 2015

³² Kamano ja-Lawi moro bende mane oyudo oluwo yorno, nonene, to okadho akadha.

Luka 10:32 ပူးပေါင်းရင်းမြစ်များ

Zaburi 109:25

Alokora gima ijaro ne joma donjona; ka ginena to gitwenyona umgi ka gigoyona siboi.

Ngeche 27:10

Kik ijwangʼ osiepni kod osiep wuonu, to kik idhi e od owadu ka chandruok omaki, ber dhi ir jabuti machiegni moloyo owadu man mabor.

Isaya 58:7

Donge en ni mondo upog chiembu ne joma kech kayo kendo urwak joma odhier maonge kuonde dak, bende ni mondo umi joma wuotho duk lewni, kendo kik upand wangʼu ne wedeu?

Luka 10:31

To noyudo jadolo moro wuotho koluwo, yorno, to kane oneno ngʼatno, nobaro moluwo bath yo komachielo.

Luka 10:33

To ja-Samaria moro mane dhi wuoth nochopo kama ne ngʼatno nitie, kendo ka nonene, nokeche.

Tich Joote 16:28

To Paulo nokok matek kawacho niya, “Kik ihinyri! Wantie waduto!”

Tich Joote 18:17

Eka jo-Yunani duto nochako toyo mirimbgi kuom Sosthene, jaduongʼ sinagogi, mi gichako goye e nyim jobura; kendo Galio ne ok odewogi kata matin.

2 Timotheo 3:2

Ji nobed koherore kendgi kendo kohero pesa. Ginibed josunga, jongʼayi, joma yanyo ji, joma ok winj jonywolgi, joma ok go erokamano, kendo joma ok ler,