Luka 10:17 - Motingʼo Loko Manyien

¹⁷ Ji piero abiriyogo noduogo kod ilo mi giwacho niya, “Ruoth, nyaka jochiende bende winjowa ka wagologi e nyingi.”

MUMA MALER 2015

¹⁷ Jopuonjre piero abiriyo gariyogo noduogo gi mor, kawacho niya, “Ruoth, kata mana jochiende bende winjowa ka wakwerogi e nyingi!”

Luka 10:17 ပူးပေါင်းရင်းမြစ်များ

Mathayo 4:24

Humbe nolandore e piny Siria duto, kendo ji nokelone joma ne tuo gi kit tuoche mayoreyore gi joma ne nigi rem mapek gi joma ne nigi jochiende gi joma ne chunygi yudhore kod joma ne nigi athany, mi nochangogi.

Mariko 16:17

To ranyisigi noluw joma oyie: E nyinga giniriemb jochiende; giniwuo gi dhok manyien;

Luka 10:1

Bangʼ mano, Ruoth noyiero ji piero abiriyo gariyo mamoko, kendo noorogi ariyo, ariyo mondo otel nyime e mier duto kod kamoro amora mane obiro dhiyoe.

Luka 10:20

To kik ubed moil ni jochiende winjou, to beduru moil ni nyingu ondiki e polo.”

Luka 10:9

Changuru joma tuo man kanyo kendo wachnegiuru ni, ‘Pinyruoth Nyasaye osekayo machiegni kodu.’

Luka 9:1

Kane Yesu oseluongo ji apar gariyogo kaachiel, nomiyogi nyalo kod teko mar golo jochiende duto kendo chango tuoche,

Jo-Rumi 16:20

Nyasach kwe biro miyo unyon Satan gi tiendu. Ngʼwono mar Ruodhwa Yesu Kristo obed kodu.

Jo-Efeso 5:24

Mon bende onego owinj chwogi e weche duto, mana kaka kanisa bende winjo Kristo.