Luka 1:58 - Motingʼo Loko Manyien

⁵⁸ Jogwengʼ kod wedene nowinjo ni Ruoth Nyasaye osetimone kech maduongʼ mi gibedo kode e morne.

MUMA MALER 2015

⁵⁸ Kane joodgi kod jogweng’gi owinjo ng’wono maduong’ mane Ruoth osetimone, giduto ne gidoko mamor, kaachiel kode.

Luka 1:58 ပူးပေါင်းရင်းမြစ်များ

Chakruok 19:19

Jatichu oseyudo kech e wangʼu, kendo usenyisa ngʼwono maduongʼ kuom reso ngimana. To kata kamano ok anyal ringo nyaka e gode; nono to chandruogni ojuka mi anyalo atho.

Chakruok 21:6

Sara nowacho niya, “Nyasaye osekelona mor kendo ji duto mowinjo ma biro bedo mamor koda.”

Zaburi 113:9

Omiyo dhako ma migumba bedo gi ode mi obed miyo mamor man-gi nyithinde. Opak Jehova Nyasaye!

Ngeche 23:25

Mad wuonu gi minu bed mamor; mad minu mane onywoli bed gi ilo.

Luka 1:14

Obiro bedo ni mor kod ilo, to ji mangʼeny nomor nikech nywolne,

Luka 1:25

Nowacho niya, “Ruoth Nyasaye osetimona ma. E ndalogi osenyiso ngʼwonone kuoma kendo ogolona wichkuot e kind ji.”

Luka 1:57

Kane en kinde mane Elizabeth onego yudie nyathi, nonywolo nyathi ma wuowi.

Luka 14:12

Eka Yesu nowachone ngʼat mane oluongeno niya, “Ka ichiwo chiemb odiechiengʼ kata chiemb otieno, kik iluong mana osiepeni, oweteni kata wedeni, kata jogwengʼu momew, nimar ka itimo kamano, kamoro giniluongi chiengʼ moro, mi gichuli kar luong mane iluongigono.

Jo-Rumi 12:15

Moruru gi joma mor, kendo ywaguru gi joma ywak.

1 Jo-Korintho 12:26

Ka fuon achiel mar ringruok winjo lit, to fuonde ringruok mamoko duto winjo kode; ka fuon moro yudo pak, to mamoko duto bende bedo mamor kaachiel kode.