Luka 1:45 - Motingʼo Loko Manyien

⁴⁵ Ogwedhi in dhako moseyie ni gima Ruoth osewachone biro timore.”

MUMA MALER 2015

⁴⁵ Mano kaka in jahawi kuom yie ni wach ma Ruoth ooroni biro timore.”

Luka 1:45 ပူးပေါင်းရင်းမြစ်များ

1 Ruodhi 17:16

Nimar agulu mar mogono ne ok odongʼ nono kendo puga mar mo-no ne ok otwo kaluwore gi wach Jehova Nyasaye mane Elija owacho.

2 Ruodhi 4:5

Omiyo dhakono nodhi moloro dhoot ka en kaachiel gi yawuote. Negigemone agulni kendo en to nosiko kopongʼogi gi mo.

2 Weche mag Ndalo 20:20

Gokinyi mangʼich negiwuok gidhi e piny Tekoa motwo. Kane giwuok Jehoshafat nochungʼ kawacho niya, “Chikuru itu un jo-Juda kod joma odak Jerusalem! Beduru kod geno kuom Jehova Nyasaye ma Nyasachu eka unukuwo, bende yieuru gi jonabi mage eka unulo.”

Luka 1:20

To koro ibiro bedo momo kendo ok iniwinj nyaka ndalo ma gini notimre, nikech ne ok iyie wechena mabiro bedo adiera e kindegi mowinjore.”

Luka 1:44

Piyo piyo nono ka mosni nochopo e ita, nyathi manie iya notugo gi mor.

Luka 1:48

nimar oseparo dhier mar jatichne. Chakre kawuononi tienge duto biro luonga ni ngʼat mogwedhi,

Johana 11:40

Yesu nowachone niya, “Donge nende anyisi ni kiyie to ibiro neno duongʼ mar Nyasaye?”

Johana 20:29

Eka Yesu nowachone niya, “In iyie nikech isenena, to ogwedh joma pok onena, to oseyie.”