Luka 1:43 - Motingʼo Loko Manyien

⁴³ To angʼo momiyo obedo mangʼwon koda momiyo min Ruodha dibi ira?

MUMA MALER 2015

⁴³ Koro anto an ng’a, momiyo min Ruodha obiro lima?

Luka 1:43 ပူးပေါင်းရင်းမြစ်များ

Zaburi 110:1

Jehova Nyasaye nowachone Ruodha kama: “Bed e bada korachwich, nyaka chop aket wasiki e bwo tiendi.”

Mathayo 12:46

Kane Yesu pod wuoyo gi oganda mane ochokore, min-gi kaachiel gi owetene nochungʼ oko ka gidwaro wuoyo kode.

Mathayo 3:14

To Johana notemo tame, kawacho niya, “Ibiro ira nade to an ema adwaro mondo ibatisa?”

Luka 1:42

Gi dwol maduongʼ nomor kowacho niya, “In dhako mogwedhi kuom mon, kendo nyathi ma ibiro nywolo bende ogwedhi!

Luka 1:44

Piyo piyo nono ka mosni nochopo e ita, nyathi manie iya notugo gi mor.

Luka 2:11

Kawuononi e dala mar Daudi, osenywolnu Jawar; en Kristo Ruoth.

Luka 7:7

Ma emomiyo asekwanora ni ok awinjora biro iri. To wach mana wach to jatichna biro chango.

Johana 13:13

Uluonga kare ni ‘Japuonj’ kendo ni ‘Ruoth,’ kendo utimo kare, nikech mano e ngʼama an.

Johana 20:28

Thoma nodwoke niya, “Ruodha kendo Nyasacha!”

Jo-Filipi 2:3

Kik utim gimoro amora mondo upiem gi ji kata mondo unyisru ne ji, to beduru joma obolore, ka kinde duto ukwano joma moko kaka joma beyo moloyou.

Jo-Filipi 3:8

To moloyo mano, koro akwano gik moko duto ka gik maonge tich nikech aseyudo ni ngʼeyo Kristo Yesu Ruodha nigi ohala maduongʼ moloyo. Nikech en, ne aweyo gik moko duto olalna, kendo akwanogi mana kaka yugi, mondo eka ayud Kristo kaka pokna,

Ruth 2:10

Kane Ruth owinjo wechegi, nokulore piny e nyim Boaz. Nowuoyo kowuoro niya, “Angʼo momiyo aseyudo ngʼwono machal kama e nyim wangʼi, an japiny moro nono?”

1 Samuel 25:41

Nokulore piny ka okulo wiye piny auma mochopo e lowo mine owacho, “Jatichni madhako nika, oikore mar tiyonu kendo luoko tiend jotich ruodha.”