Luka 1:42 - Motingʼo Loko Manyien

⁴² Gi dwol maduongʼ nomor kowacho niya, “In dhako mogwedhi kuom mon, kendo nyathi ma ibiro nywolo bende ogwedhi!

MUMA MALER 2015

⁴² mokok kowach niya, “Oguedhi moloyo mon duto, kendo nyathi mibiro nywolo bende ogwedhi!

Luka 1:42 ပူးပေါင်းရင်းမြစ်များ

Chakruok 22:18

kendo ogendini duto manie piny nogwedhi kokalo e kothi, nikech isewinjo wachna.”

Zaburi 21:6

Adier, isemiye gweth mochwere kendo isemiyo obedo mamor gi mor moa kuomi.

Zaburi 45:2

In ema iber moloyo chwo mamoko kendo dhogi owir gi ngʼwono, nikech Nyasaye osegwedhi nyaka chiengʼ.

Luka 1:28

Malaika nodhi ire momose niya, “Amosi, in nyako mogwedhi moloyo! Ruoth ni kodi.”

Luka 1:41

Ka Elizabeth nowinjo mos mar Maria nyathi notugo e iye kendo Elizabeth nopongʼ gi Roho Maler.

Luka 1:43

To angʼo momiyo obedo mangʼwon koda momiyo min Ruodha dibi ira?

Luka 1:48

nimar oseparo dhier mar jatichne. Chakre kawuononi tienge duto biro luonga ni ngʼat mogwedhi,

Luka 19:38

“Ogwedh Ruoth mabiro e nying Jehova Nyasaye!” “Kwe obedi e polo, kendo duongʼ obed e polo malo!”

Jo-Rumi 9:5

Gin bende ema kwerewa madongo noa kuomgi, kendo kata mana Kristo, kuom anywolane kaka dhano, bende oa kuomgi; En ma en Nyasaye kuom duto, kendo mipako nyaka chiengʼ! Amin.

Jo-Hibrania 12:2

Wachomuru wangʼwa kuom Yesu, ma en jachak kendo jachop yie marwa. Nikech nogeno yudo mor mane oikne ni nonwangʼ achien, nochayo tho malit mar msalaba ka ok odewo wichkuot ma tho ma kamano kelo, kendo koro obet piny e bat korachwich mar kom duongʼ mar Nyasaye.

Jong’ad Bura 5:24

“Jael ma chi Heber ja-Keni en dhako mogwedhi kuom mon duto, kendo ogwedhe moloyo mon duto modak e hema.