Luka 1:36 - Motingʼo Loko Manyien

³⁶ Bende ngʼeni Elizabeth ma watni biro bedo gi nyathi kata e hike moniangʼno, to dhako mane iluongo ni migumbano, koro en gi ich mar dweche auchiel.

MUMA MALER 2015

³⁶ Bende ng’e ni Elizabeth, wayu moti cha, osemako ich nyathi ma wuowi, kendo dhako ma yande iluongo ni migumbano, koro nigi ich mar dueche auchiel,

Luka 1:36 ပူးပေါင်းရင်းမြစ်များ

Chakruok 11:30

To Sarai ne en migumba; nikech ne ok onywol.

Chakruok 16:1

Koro Sarai chi Abram ne pok onywolone nyithindo. To ne en gi misumba ma nyako ma nyar Misri, ma nyinge ne Hagar;

Chakruok 18:11

Ibrahim kod Sara nosebedo moti kendo hikgi noniangʼ kendo ndalo Sara mag nywol nosekadho.

Chakruok 21:2

Sara nomako ich kendo nonywolone Ibrahim wuowi ka Ibrahim hike oniangʼ, mana e kinde mane Nyasaye osingore.

2 Ruodhi 4:17

Dhakono nomako ich kendo kane ochopo higa machielo e kinde machal kamano, nonywolo wuowi mana kaka Elisha nowachone.

Eklesiastes 3:2

kinde mar nywol kod kinde mar tho, kinde mar pitho kod kinde mar putho,

Luka 1:35

Malaika nodwoko niya, “Roho Maler biro biro kuomi, kendo teko mar Nyasaye Man Malo Moloyo biro umi. Kuom mano jal maler monego nywol ibiro luongo ni Wuod Nyasaye.

Luka 1:37

Nimar onge gima nyalo tamo Nyasaye.”

Luka 1:5

E ndalo ma Herode ne ruodh Judea, ne nitie jadolo ma nyinge Zekaria, ma ne en achiel kuom oganda jodolo mag Abija; chiege Elizabeth bende ne nyar dhood Harun.

Jo-Hibrania 11:11

Yie ema nomiyo Ibrahim obedo wuoro, kata obedo ni noseti ahinya, kendo Sara chiege ne migumba, to nomiye teko mar bedo wuoro nikech nogeno ni ngʼat mane omiye singruok ne en ja-adiera.