Kwan 9:22 - Motingʼo Loko Manyien

²² Bed ni bor polo nosiko koumo kar lemo kuom ndalo ariyo, dwe achiel kata higa achiel, to jo-Israel ne siko e kambi kendo ne ok gichak wuoth; to ka bor polono ne oyawore, to negichako wuoth.

MUMA MALER 2015

²² Kata bed ni ne obet ewi Hema Maler kuom ndalo achiel kata ndalo ariyo, kata kuom due kata higa, kata bed ni obudho marom nadi, to jo-Israel ne bet mana e kambi to ne gichako wuoth mana ka oa ewi Hema Maler.

Kwan 9:22 ပူးပေါင်းရင်းမြစ်များ

Zaburi 107:7

Ne otelonegi e yo moriere tir, nyaka negichopo e dala, mane ginyalo dakie.

Zaburi 143:10

Puonja timo dwaroni, nimar in e Nyasacha; mi mondo Roho mari maber, otelna e yo mopie.

Zaburi 32:8

Abiro chiki kendo abiro puonji e yo monego ilu; adier abiro ngʼadoni rieko kendo abiro rangi maber.

Zaburi 48:14

Nikech Nyasaye en Nyasachwa manyaka chiengʼ obiro bedo jaritwa nyaka chop giko ndalowa e piny.

Zaburi 73:24

Itaya gi rieko mingʼadona kendo bangʼe ibiro tera kar duongʼ.

Zaburi 77:20

Ne itelone jogi ka rombe ka gin e lwet Musa gi Harun.

Wuok 39:42

Jo-Israel nosetimo tije duto mana kaka Jehova Nyasaye nochiko Musa.

Wuok 40:16

Omiyo Musa notimo gik moko duto mana kaka ne Jehova Nyasaye ochike.

Kwan 1:54

Jo-Israel notimo gigi duto mana kaka Jehova Nyasaye nochiko Musa.

Kwan 8:20

Musa gi Harun kod oganda jo-Israel duto notimone jo-Lawi gigo duto mane Jehova Nyasaye ochiko Musa.

Kwan 9:17

E kinde moro amora ma bor polo ne oa ewi Hema, jo-Israel ne chako wuoth; to e kinde ma bor polo nopiyo ewi Hema, jo-Israel ne goyo kambi.

Kwan 9:21

Seche moko bor polo ne ni kanyo chakre odhiambo nyaka okinyi kende, to kane oyawore gokinyi to negichako wuoth. Bed ni en odiechiengʼ kata otieno, to e kinde ma bor polo noyawore, negichako wuoth.

Tich Joote 1:4

Chiengʼ moro achiel kane oyudo ochiemo kodgi, nowachonegi niya, “Kik uwuog Jerusalem, to rituru mich mane Wuonwa osingore ni nomiu, ma usewinja ka awuoyo kuome;