Kwan 9:18 - Motingʼo Loko Manyien

¹⁸ Kane Jehova Nyasaye ogolo chik, to jo-Israel ne chako wuoth, kendo kane ogolo chik to negigoyo kambi. E kinde duto ma bor polo nosiko ewi kar lemo, negisiko e kambi.

MUMA MALER 2015

¹⁸ Ne gichako wuoth mana ka Ruoth Nyasaye ochikogi, kendo ne giguro hembegi mana ka Ruoth Nyasaye ochikogi, mi gibed kanyo kuom kinde duto mane bor polo ni ewi Hema Maler.

Kwan 9:18 ပူးပေါင်းရင်းမြစ်များ

Wuok 17:1

Oganda jo-Israel duto nochako wuoth kawuok e thim mar Sin, ka giwuotho ka gi kacha mana kaka Jehova Nyasaye nochikogi. Ne gibworo Refidim, to ne onge pi mane ji nyalo modho.

Kwan 10:13

Chako wuodhgi mokwongo notimore bangʼ ka Jehova Nyasaye nosegolo chik kokalo kuom Musa.

Kwan 9:16

Mano e kaka nochalo ka bor polo oume godiechiengʼ to gotieno ochalo ka mach.

Kwan 9:19

Kane bor polo osiko koumo kar lemo kuom thuolo malach, jo-Israel norito buche Jehova Nyasaye kendo ne ok giwuok.

Kwan 9:20

Seche moko bor polo neumo kar lemo kuom ndalo manok kende; to ka Jehova Nyasaye nogolo chik to negidak, bangʼe kochako ogolo chik to gichako wuoth.

1 Jo-Korintho 10:1

Jowetena, ok adwar ni mondo ukia kaka kwerewa nowuotho e bwo bor polo, to kendo giduto negingʼado Nam Makwar.

2 Johana 1:6

To hera ma awuoyo kuomeni en ni mondo wawuoth kaka chik Nyasaye dwaro. To mana kaka ne usewinjo nyaka aa chakruok, chik Nyasaye en ni wuothuru e hera.