Kwan 9:16 - Motingʼo Loko Manyien

¹⁶ Mano e kaka nochalo ka bor polo oume godiechiengʼ to gotieno ochalo ka mach.

MUMA MALER 2015

¹⁶ Kamano bor polo noime godiechieng’, to gotieno ne nitie ler machal gi mach.

Kwan 9:16 ပူးပေါင်းရင်းမြစ်များ

Nehemia 9:12

Godiechiengʼ ne itelonegi gi bor polo, to gotieno to ne itelonegi gi mach makakni mondo omigi ler e wangʼ yo kama ne giwuothoe.

Nehemia 9:19

“Nikech ngʼwono mari mathoth ne ok ijwangʼogi e thim. Godiechiengʼ, bor polo nodhi nyime ka telonegi e yo, to gotieno mach makakni nomedo menyonegi kama giluwo.

Zaburi 105:39

Noumogi gi boche polo kaka raum, kendo mach nochiwonegi ler gotieno.

Zaburi 78:14

Ne otayogi kod bor polo godiechiengʼ kendo giler moa e mach otieno duto.

Wuok 40:34

Eka bor polo noumo Hemb Romo kendo duongʼ mar Jehova Nyasaye nopongʼo Hemb Romono.

Wuok 40:38

Kuom mano bor polo mar Jehova Nyasaye ne nitie ewi Hemb Romo godiechiengʼ, to mach ne nitie ei bor polono gotieno e nyim jo-Israel duto e wuodhegi.

1 Jo-Korintho 10:1

Jowetena, ok adwar ni mondo ukia kaka kwerewa nowuotho e bwo bor polo, to kendo giduto negingʼado Nam Makwar.

2 Jo-Korintho 5:19

tiende ni, Nyasaye notimo winjruok gi piny kuom Kristo, ka ok okwano richo ji e wigi. To wan ema osemiyowa wach manyiso ji kaka digibed e winjruok gi Nyasaye.

Rapar mar Chik 1:33

mane otelo nyimu e wuodhu, gotieno notelonu gi mach to godiechiengʼ notelonu gi rumbi mondo umany kuonde monego ubworie kendo onyisu yo monego uluw.

Fweny 21:3

To ne awinjo dwol maduongʼ moa e kom duongʼ mar loch mawacho niya, “Koro Nyasaye osebiro dak gi ji kendo enodag kodgi, ginibed joge, to Nyasaye owuon enobed kodgi kendo nobed Nyasachgi.